SCHOLARSHIP

Higher education tan academic session thar a inher chhuak leh dawn ta a. Zirlaiten scholarship hrang hrang kan dil leh hlawm ngeiin a rinawm. Awareness zau zawk kan neih nana ṭangkai a nih beiseiin zirlaite tana scholarship dil theih hrang hrang (kan hriat lar, Pre & Post Matric Scholarship bak) te kan tarlang dawn a ni.

1) INSPIRE scholarship: Hei hi Ministry of Science & Technology, Govt. of India hnuaia mi a ni a. Science zirlaite tan bika ruahman a ni. Class 12 zawha basic/ natural science (B.Sc degree) zir turte tana dil theih a ni. Dil theih dan kawng thum a awm a, chungte chu:

a) Mahni zirna State Board Examination a top 10-a lang, basic/natural science zir tum te

b) Medical leh engineering entrance (JEE & NEET) exam a India ram puma top 10,000 rank nei phak, technical line zir loa basic/natural science zir tum te

c) Heng exam - National Talent Search Examination (NTSE) leh Jagadish Bose National Science Talent Search (JBNSTS)-a inziak tling te leh Indian Institute of Science Education and Research (IISER), National Institute of Science Education and Research (NISER), Department of Atomic Energy Centre for Basic Sciences (DAE-CBS)-a zir tura inziak tlingte tan dil theih a ni a.

Scholarship hi kum 5 chhung (B.Sc leh M.Sc zir chhung) dawn theih a ni a. College kal hunah academic record tha neih chhunzawm ve erawh a ngai thung a, report hi kum tin thehluh thin tur a ni. Scholarship zat- kum khatah Rs. 80,000/- (sing riat). Hre chiang duh tan http://www.inspire-dst.gov.in/... ah hian a en theih. Sum lakluh chuti zat chin (income bar) tih ang kha a awm lo a, a chunga kan tarlan ang khi an neih chuan a dil mai theih a ni. Mizoram aṭang pawhin dawng an awm ṭhin a, mi tam zawkin hetiang scholarship ṭha tak hi kan dawn theih nan ngaihven tlang ila a duhawm hle ang. Kum tin mi 10,000 hnenah he scholarship hi pek a ni ṭhin. Basic science lamah research ti tur zirlai ṭha tam zawk an awm theih nana Department of Science & Technology-in he scholarship programme hi a duan a ni.

2) ONGC Scholarship for

ST/SC students:

a) Dil theite: Class 12 zawha technical line (medical leh engineering) zirlaite bakah M.Sc (Geology, Geophysics) leh MBA zirlaite.

b) Income & reservation: Kum khata Rs. 2,00,000 aia tam lo la lut te tan dil theih a ni a, 50% hi hmeichhe tan dah a ni bawk. BPL te duhsak an ni a, dil zingah BPL aṭanga hnawh khat tur an awm lo a nih chuan midang an la tel chauh ṭhin.

c) Scholarship zat: Kum khatah Rs. 48,000/-. An zir hun chhung zawng an dawn ang.

India ram hi zone hrang hrangah then niin North-East hi zone-3 ah kan awm a, kan zone-ah hian scholarship mi 100 hnenah pek a ni thin. Class 12 ah 60% hmu phak te tan dil theih a ni. Hre chiang duh tan https://www.ongcindia.com/wps/....

Tin, hei bakah hian ONGC hian Post Graduate level ah scholarship an pe bawk thin a. Mizoram University ah pawh kumtin M.Sc (Physics, Chemistry leh Geology) first year a topper te hnenah Rs. 60,000/- an pe thin a ni.

3) ISHAN UDAY Scholarship for North East students: (UGC)

a) Dil thei te: North East huam chhunga Board hrang hrang aṭanga zirlai class 12 pass, college-a zir zawmte tan dil theih a ni a, First year zirlaite tan chauh dil theih a ni. Eng stream tan pawh a dil theih vek.

b) Income: Kum khat sum lakluh Rs. 4,50,000/- aia tam lo te tan.

c) Scholarship zat: General degree course te tan thla khatah Rs. 5400; Technical & Professional course te tan thla khatah Rs. 7800/-. Kum tin mi 10,000 hnenah scholarship hi pek chhuah thin a ni.

He scholarship hi diltu an thahnem thin a, class 12-a an tih that dan azirin a dawng tur thlan a ni thin. Dawng tura thlan an nih tawh chuan degree course an zir chhung zawng an dawn ang a, zirlaiah tih that zui erawh a ngai thung.

Hei hi University Grants Commission (UGC) in hmarchhak zirlaite hamthatna tura a bika a duan a ni a, a hmang tangkaitu ni turin zirlaiten ngaihven ila, https://www.ugc.ac.in/ner/ ah hian kimchang zawka hre duh tan en theih a ni.

4) Post GraduateScholarship for University Rank holders: (UGC)

a) Dil thei te: University hrang hrang hnuaia Undergraduate exam a pakhatna leh pahnihna.

Heng department hrang hrang - Life Sciences, Physical Sciences, Chemical Sciences, Earth Sciences, Mathematical Sciences, Social Sciences, Commerce, Languages te hi a huam.

b) Criteria: University exam-ah hian an department ah mi 100 tal an exam tling tur a ni a, mi 100 an tlin loh chuan rank holder te hian an dil thei chuang lo a,distance education a huam lo bawk.

c) Scholarship zat: Thla tin Rs. 3100/-, kum hnih chhung atan (Master degree zir chhung). Kumtin mi 3000 tan sem chhuah thin a ni. He scholarship hian scholarship dang dilna a dal lo a, zirlaiin a duh chuan a dang nen a dil kawp thei vek a ni. Sum lakluh bithliah a awm lo.

Hre chiang duh tan https://scholarships.gov.in/ ah hian home page ah, UGC scheme tih hnuaiah a en theih.

5) Post Graduate Scholarship for Single Girl Child: (UGC)

a) Dil thei te: Fanu mal, unau dang nei lo, Post Graduate course zir turte tan dil theih a ni a, hei hian distance education a huam lo.

b) Scholarship zat: Kum khath Rs. 36,200/-, kum hnih chhung atan (Master degree zir chhung). Kumtin mi 3000 tan sem chhuah thin a ni. He scholarship hian scholarship dang dilna a dal lo a, zirlaiin a duh chuan a dang nen a dil kawp thei vek a ni. Sum lakluh bithliah a awm lo.

Hre chiang duh tan https://scholarships.gov.in/ ah hian home page ah, UGC scheme tih hnuaiah a en theih.

6) Zirlai hmeichhia te tana scholarship dil theih hrang hrangte: (AICTE scheme)

i) PRAGATI SCHOLARSHIP SCHEME FOR GIRLS (DEGREE) For Technical education

ii) PRAGATI SCHOLARSHIP SCHEME FOR GIRLS (DIPLOMA) For Technical education

iii) SAKSHAM SCHOLARSHIP SCHEME FOR DIFFERENLY ABLED STUDENTS (DEGREE) For Technical education

iv) SAKSHAM SCHOLARSHIP SCHEME FOR DIFFERENLY ABLED STUDENTS (DIPLOMA) For Technical education

Heng scholarship hrang hrangte hi hre chiang duh tan https://scholarships.gov.in/ ah hian home page-ah, AICTE scheme hnuaiah en tur a awm.

7) Post graduate scholarships for pro­fessional courses for SC/ST candidates:

a) Dil thei te: SC/ST zirlai, Post Graduate Professional course zir te tan dil theih a ni.

b) Income bar a awm lo. Mi 1000 hnenah pek a ni thin.

c) Scholarship zat: ME/M.tech zirlaite tan thla khatah Rs. 7800/- a ni a, course dang zirlaite tan thla khatah Rs. 4500/-. An zirlai an zir chhung (kum2/3) scho­larship hi pek an ni ang a, academic per­formance report te thehluh thin tur a ni.

Professional course tia an sawi chin chu heng kan tarlan Regulatory council hrang hrang aṭanga approval mamawh te hi an ni a. Chung council te chu -

Medical Council of India (MCI), Dental Council of India (DCI), Pharmacy Council of India (PCI), Rehabilitation Council of India (RCI), NCTIS, NCTE Bar council of India (BCI), All India Council for Technical Education (AICTE), Indian Council of Agricultural Research (ICAR), INC, FORENSIC REGULATORY & DEVELOPMENT AUTHORITY OF INDIA.

M.A, M.Sc, M.Com, MSW, Mass Commu­nication and Journalism degree te hi chu Non-Profesisonal course an ni a, he scholarship hian a huam ve lo a ni.

A chunga kan tarlante bakah hian National Scholarship Portal-ah hian scheme hrang hrang hnuaiah scholarship dang tam tak a la awm a. Rualbanlote tana dil theih te, Central Armed Police Force leh Assam Rifles fate tana dil theih te, Railway lama thawkte tana dil theih te, leh a dang tam tak a awm. Hre chiang duh tan National Scholarship Portal website ah hian kimchang takin en tur a awm reng a ni. National Scholarship Portal kaltlanga tih ni lem lo pawh scholarship hi dil tur tam tak a awm a, internet lamah website hrang hrang kaltlangin hmuh tur a awm.

Lehkha zir ṭha duhte tan central sorkar hi a inhawng em em a, he thu ziaktu ngei pawh hi a chunga kan tarlan tak INSPIRE leh ONGC scholarship dawngtu zingah ka tel ve hlauh a, a ngaihven duh tan chuan kan tarlante bakah hian line hrang hrangah scholarship dil tur hi a tam em em a ni. Tunah hian a kawngka kan hriat theih nan tlema zawng kan chauh kan tarlang a, pawl hniam ber aṭanga a sang ber (Ph.D leh Post Doctoral) thlengin scholarship leh fellowship hi dil sen loh a awm a. Zir duh si, sum leh paia harsatna neite tan pawh kawng zau tak a inhawng reng a ni tih kan hrethiam awm e. Kan chanvo tura min chhawp chhuah sak, heng scholarship tha tak takte hi kan hmuh theih nan ngaihven tlang ila. Duh luat vanga thil dik lo (income certificate dik lo siam, etc) tih erawh chu pumpelh ila a tha awm e.

For feedback/queries, write to : joellalbiakkima@gmail.com/ facebook @ joel dantes

- Joel Lalbiakkima