PI LEH PUTE SULHNU RAM DANG MITE ENTIR A PAWI THEI EM?

Kan pi pute sulhnu tamna ram, Archaeology Survey of India (ASI) in a ventir ta mai hi a pawi theih dan a awm em? Thlarau lama finna neite chhan atan ka ngaih dan ka rawn tarlang a ni.

Judate, Babulona sala hruai an nih nachhan chu, Lal Hezekian-an pi leh pute ro, Babulon mite a entir vang a ni! Isaia 39:1-8, kan pi leh pute ro Archaeological Survey of India a report-tu chuan Lal Hezekia angin thil lian tham a ti ve em? Tunah chuan Technology khawvelah kan cheng a, dan leh thupek zawm lo thei lovin chhinchhiahna thangah kan awk zo ṭep a ni ta!

Kan pi leh kan pute sulhnu tamna Vangchhe ram leh Myan­mar leh Bangladesh 40km bialah thil hlui hmuh belh beiseiin World Heritage-a siam tumna a awm a. Confirm-a nih hmain an thil tum chu cancel tir theih a ni ang em? Cancel theih a nih loh chuan thil hlui (Mizoram ram Lusei ram a nih hma ami) hmuh chhuah niin sawi buai ta sela, engtia chhan tur nge, ram min petu Pathianin engtin nge ro a rel ang?

Juda Lal Hezekia tihsual avanga Juda mipuiin an tuar nasat zia aṭangin zir tur kan neiin ka hria. Pathian hnenah thiamthu sawi tur kan nei a ngem? Ngaihtuah zui duh lovin Vangchhe ram chu World Heritage-ah siam ta se, a nghawng theih tur eng te nge? Khawvel pum chhiarpui leh a ken tel te pawh a ṭhatna chauh kalpui a, a ṭhat lohna hriat tum loh pawi theihzia te pawh ngaihtuah ve ula tih hi ka ziak chhan a ni e.

Awarness titheiin ti sela, a tithei lo ten a ti thei te ṭawi­awm ṭha sela, hetiang thila a hnarkaitute pawimawhna ngaihtuaha sawipui thei tur mi an tam theih nan awarness tih hi kan tih tur hmasa a ni dawn lo’m mi?

- T. Pachhinga