MLA & MP CANDIDATE0TE SUM SENRAL THEIH ZAT ECI-IN A TIPUNG
JAN 07, 2022, 0034 IST, FRIDAY
PTI-in a report danin Election Commission of India chuan Lok Sabha MP candidate leh State MLA candidate-te inthlanna senso atan sum an hman theih zat chu Ningani zan tlai tawh takah khan tihpun rawtna Election Commission of India a siam chu Union Law Ministry-in a pawm.
Inthlan senso tihpunna hi India ram chhung state ṭhenkhat Assembly inthlan lo awm turah pawh hman nghal theih a ni ang. Inthlan senso bituk zat ennawnna (revised limits) chung chang hriattirna hi Law Ministry-in thu chhuah a siam nghal a ni.
LOKH SABHA MP
1) State lian: Lokh Sabha MP inthlan senso (election expenditure limit) atan candidate pakhat sum hman theih zat chu state lian tan Rs 70 lakh chu Rs 95 lakh-ah tihsan a ni.
2) State te: State te tan Rs 54 lakh aṭangin Rs 70 lakh-ah tihsan a ni.
MLA inthlan senso
State Legislative Assembly member inthlan senso pawh tipungin candidate pakhat sum sen theih zat hetiang hi a ni.
1) State lian State lianah chuan candidate pakhat sum hman theih zat Rs 28 lakh aṭangin Rs 40 lakh ah tihsan a ni.
2) State te: State te tan MLA candidate pakhat sum hman theih zat Rs 20 lakh pawh Rs 28 lakh ah tihsan a ni.
He sum hman phal zat bituk thar (new expenditure limits) kan hma lama state inthlang turten an hmang nghal thei ang, ECI chuan a ti.
Kumin 2022 hian state 5, Uttar Pradesh, Uttarakhand, Punjab, Goa, Manipur state-ah State Assembly Member (MLA) thlan hun a ni. Ni rei vak lo chhungin heng state te inthlan hun hi Election Commission of India hian a puan beisei a ni.
Uttar Pradesh, Punjab, Uttarakhand MLA candidate te sum hman theih zat chu Rs 40 lakh a ni tawh ang.
State te Goa leh Manipur-ah pawh candidate pakhat sum hman theih zat Rs 28 lakh a nih tawh tur thu ECI thu chhuah hian a tarlang.
Party rally te, star campaigner te senso chu a awmna party tum tur a ni a, candidate te sum hmanah chhiar loh tur a ni. Political party-ten election atan sum an hman theih zat tam lam hi bituk a awm lo. (There is no limit on expenditure by political parties).
Source : ABP NEWS BUREAU
January 6, 2022
- Huna Kawlvawm