Mi tam tak eizawnna tlawhbaw lo zawngin hma lâk i tum ang u

1. Covid Appro­priate Behaviour (CAB) ṭha taka zawm zawk hi kan himna tur hmasa ber. Social distancing, mask, kut silfai etc. Hengte hi uar leh khauh leh zuala kalpui mai hian midang ei leh bar dapna titawp kher lovin hma a lak theih.

2. Dawr inhawn chhawk ang zawnga kal lovin dawr chhunga lut lovin hrui kaih se, a chhawkin a tih theih. Hei pawh CAB zawm ṭhat a ni mai.

3. Mipui hi mask vuahte leh intihfai lamah kan piangthar nasa, kan fimkhur thawkhat viau tawh.

4. Dawr khartir ṭhenkhatte hi kum hnih chhunga khar nguntir ber ber an ni. An dinhmun chhe tawh tak chhawm­dawlna pakhatmah sorkarin ruahmanna (compensate-na tur) a duang ngai lo.

5. Hengte hi belchiang ve se-

a) Beauty Parlour - Dawrtu an tam ngai lo, an fimkhur em em.

(b) Theatre - Aizawl­ah pahnih vel chauh a awm, fimkhur theihna ber a ni, ṭawng pawh an ṭawng lo.

(c) Picnic spot - Tam tak an kal thur thur ngai lem lo, a zat fixed a awl ber.

(d) Gym - Fimkhur takin hlauhawm hauh lohin a kalpui theih. A darkarin kal zat tur a bithliah vek.

(e) Spa - Ni khatah client pahnih thum bak an nei meuh lo, CAB ṭha tak nena kalpui vek a ni. Disposable bedsheet thlenga hman vek a ni, a tlangpuiin khual­zin hotel-a thleng­in an dawr, anni hi Negative saa lo lut vek an ni.

(f) Park & Sahuan - Mihring in 'contact' lohna hmun berte zinga mi a ni.

(g) Lui kal leh Hiking - Ṭhian ṭha tlem te bak an kal ngai lo, luiah kal lo mahse inkawm reng reng an ni.

(h) Zan- Inkhawm phal loh chhan hi hriat a ni lo, Curfew hian mimal zalenna Fun­da­mental Rights a kalh tlat bawk.

Etc. Etc. Midang eizawnna hi ngaih­tuah chîk sak ve tawh teh se.

- Zoa Tlau