Yoga leh sakhuana a inzawm

International Yoga Day, vawi li-na 21.6.2018 hman­naah, India Vice President Venkaiah Naidu chuan, Yoga chuan taksa hri­selna leh ṭhatna a nihna hmanrua a nih thu sawiin, 'Sakhuana nena in­kaihhnawihna a nei lo,' tiin a sawi a. (The Aizawl Post, 22.6.2018).

Sakhuana awmzia chu, a tlangpuiin mi­hring aia chungnung, khawvel thil leh mihring chungah pawha rorel thei, thih hnu thleng pawha thlarau nunzia pe thei rinna a ni.

Sakhuana kawk tel miah lo ni se kan India sawrkarin heti taka a buaipui ta thut hi a mak danglam hle. Secular India-ah chuan mahni sakhaw rindan pawh a sawi theih tih denchhenin, Yoga pawh hi, a chanve taksa leh in­sawizawina chauh lo, a sakhaw kaih­hnawih nen sawi law law se a puitlin­thlak zawk ang. Yoga chu taksa sawi­zawi chauhva a tawp chuan Hindu Moksha a la thleng lo va, a la zo (pass) lo a ni.

Yoga-in a tum taka chu a hman­raw hrangte hmanga mihring thla­rau (soul)-in uni­versal soul nena inpumkhatna (union) a neih pumhlum theihna chu a ni. (HINDUISM-M. Monier Williams P.139)

'Yoga in tih tura a tih thil pakhata rilru sawrbingna (chumi awmzia chu, heta Pathian chungnung bera Supreme Being chu Krishna tih a ni a) chuan a tum tak suangtuahna (thought) laka fi­hlimna te, muanna kim leh pathian (deity)-a inchiah ralna te a rawn thlen a ni.

(A hma a sawi lehkhabu P147).

Yoga in a tum chu thil dang bakah taksa insawizawina hmanga an Pathiana in chhunluh a nih avangin, a tawktarh chauh ni lovin, a tum ber sawi chiang law law se la. Yoga tawpa Pathiana in chhunluh chu Sakhuana a nih loh chuan eng nge ni ta ang?

Kan Indian Vice President thusawite kan sawi a, ani te hi chu politician a ni a, a ngaihthiamawm tho e.

- Rev. Rokhuma, Mission Vengthlang, Aizawl