ST. ANTHONY'S HSS THUCHHUAK VE THUNG HI AW

"St. Anthony's HSS, Aizawl chuan Zirlai ten Sikul an kal loh lai hi chuan Monthly Fee cheng khat mah kan la ve dawn lo." 

"Zirlaiten Sikul an kal loh na na na chuan engvangin nge Monthly fee hi kan lak tehlul ang? Zirtirtute hlawh hi chu chawi belh pawhin a theih chhung chu kan pe zel ang." 

Principal

St. Anthony's HSS,

Aizawl

Fak tur dik hi chu fak mai ila, chawimawi tlak pawh chawimawi mai ila, chu chu kan Pathian thu duh zawng pawh a ni. Tunlai Khaw­vela kan hun tawn mek hi a bul aṭanga in hrilh hriat kan ngai lo ve. Engkim mai hi a nih dan turin a awm lo zo vek a ni ber a, a nghawng kal zelah ni se harsatna hrang hrang a lo thlengin a pian belh zel bawk a, eng ang harsatna nge kan la hmachhawn zel dawn lah hriat a ni hek lo. 

Hetiang ang boruak duhawm lo zetin min tuam karah, mi tam takin an neih ro sum hmangin ṭanpui ngaite an ṭanpui a, Kohhran, NGO pawl hrang hrang leh sorkar department hrang hrang bakah mimalte thil pek hmangin an luang chhuak a. Boruak rit tak maiin min delh laia hetiang ang chanchin hriat tur a awm reng mai te hian mi a ti thawveng a, ngaihtuahna te pawh a zangkhai ve ṭhin. 

Private sikul dang hian an ti ve em ka hre lo va, St. Anthony's HSS zirtirtuten hetiang ang thu lawmawm leh hriat nuam an ti chhuak hi a ropui takzetin ka hria. Zn zirlai naupangte bakah an nu leh pate thleng maia an lawm turzia ka ngaihtuah pui hian ka hnuk a ulh hial a, an dinhmun angah va ding phak lo mah ila, heng zirlai naupang nu leh pate pawh hi lawm avangin an biangah mittui a luang hialin ka ring. Tun hun hi a ni dawn lo'm ni, Lal Isua hnungzuitu Krista thu hretute kan nihna a lan chhuah hun tur chu? 

St. Anthony's HSS, Principal leh zirtirtu zawng zawng te, chawi belh pawh huama mi dangte tana in inpekna thuk tak hian kan ramah hian entawn tur dik tak entawn a, fak tur dik tak fakna chang hriatnaah te, chawimawi tur dik leh ngaihsan tur dik ngaihsanna kawngah te min hruai sela. Dik taka thiltih duhna thinlung nei turin huai­senna min neih tir bawk sela, duhamna leh hlemhletna sirah hnawlin, zirtirtu ṭha leh rinawm ni zel turin duhsakna ka hlan a che u. 

Dam reng ang che u.