SUM KHAWHRALNA SEDP BOARD 14 TE

Tunlai Mizoram sawrkarin pawisa mamawhna avangin pawisa zawngin kawng tinreng dapin a hnathawkte hlawh pawh cut sak hial a tum tih sawi a awm takah hian heng board hrang hrang 14 te, a lova Mizoram awm theih, tun sawrkarin a din hma pawha la awm ngai lo, an hnathawh tur pawh Mizoram Chief Minister Pu Zoramthanga'n a minister-te anmahnia thutlukna siam turin a ring tawk lo nge, "Ngaihtuahtu a tam chuan ngaihtuahna a fing a, board chuan hnathawhte a en zui ang a, chu chuan eiruknate a veng dawn," tiin a sawi bakah minister-te'n finchhuahtu ṭha an nei dawn tiin a sawi bakah MNF sawrkara kan minister-te hi hetiang anga pawisa tam senga finchhuahtu ngai tur khawpa rinawmna leh finna nei lo em ni an ni tih leh SEDP hian eirukna kawng a hawn dawn avang nge hetianga pawisa neih loh  em em laia chuangtlai taka a hrang a hrana eirukna awm thei tur vengtu atan a tihna chhan hi enge tih hi ka zawhna a ni.

SEDP Board chungchang Vanglaini chanchinbu-in a sawi dan chu a hnuaiah hian dah a ni. 

Mizoram sorkarin an flagship programme SEDP hnuaia board hrang hrang 14 a dina vice chairman-te chu protocol thilah minister of state (MoS) rank an ni. Board-ah hian chairman chu a kaihhnawih department changtu minister-te an ni a, vice chairman-ah chuan MLA ni lai 10 leh MLA hlui pali ruat an ni. 

GAD-in notification a tihchhuaha a lan danin, SEDP board chairman-te chuan minister an nih anga hlawh an lak bak hlawh dang an nei dawn lo a, vice chairman zinga MLA-te pawhin MLA hlawh bak hlawh dang an nei lo ang. Hetih lai hian, vice chairman zinga MLA ni lote chuan thla tin Rs. 40,000 an hlawh dawn thung. 

Board vice chairman-te chuan office an nei a, office staff atan LDC pahnih an nei thei a, pakhat chu personal assistant anga thawk tur a ni. LDC bakah hian group D staff pahnih an nei thei a; staff-te chu a zawm department-a thawktute aṭanga pawh tur a ni a, department-te hian pawh tur an neih loh chuan muster roll-in lak tur a ni. 

Board zawng zawngte chu pool vehicle pahnih pek tur an ni a, Board term chu ṭhiah a nih loh chuan kum nga chhung emaw, ministry term chhung a ni. Hnathawktu MR-a lak an awm pawhin vice chairman term hun chhung atan a ni ang. 

SEDP Board leh Vice Chairman

Board Vice Chairman 

1.     Bamboo Link Road- Ramthanmawia, MLA

2.     Bamboo Development- Dr K Pachhunga, MLA

3.     Agriculture Development- H Biakzauva, MLA

4.     Rubber & Allied Crops Development- Lalrinsanga Ralte, MLA

5.     Horticulture Development- Prof. F Lalnunmawia, MLA

6.     Veterinary & Fishery- C Lalmuanpuia, MLA

7.     Social Rehabilitation- K Liantlinga, Ex-MLA

8.     Health & Family Welfare- Dr ZR Thiamsanga, MLA

9.     Road & Infrastructure Development- H Lalzirliana, MLA

10.     Land Revenue & Survey- Rochhunga Ralte, Ex-MLA

11.     Manpower Development- Zothantluanga, MLA

12.     Culture & Tourism Development- TC Pachhunga, Ex-MLA

13.     Industrial Development- C Ramhluna, Ex-MLA

14.     Human Resource Development- L Thangmawia, MLA 

Hetiang mai mai a sum a lo thlawna a vaibelchhe tel sawrkarna chelhtu MNF party chhunga in rin loh tawkna avanga lang thei te avanga tun ang hun khirh Mizoramin a hmachhawn mek laia lo luanral tir vel mai mai hi uanthuanna thil pawh niin a lang a. Chumi avang chuan hetiang thil chuangtlai tak hi ram leh a chhunga cheng mipuite hmangaihna avangin thlauhthlak a bansan a hun tawh hle a ni.