Ram leh Hnam humhalh hunah YMA a tlan bo

Central YMA 'Kum Puan' an tihah hian Ruihhlo Do Kum, Zirna Uar Kum, Nungcha Humhalh Kum tihte leh Ram leh Hnam Humhalh tihte hi an uar pawl tak niin Ram leh Hnam Humhalh hi chu an thupui nghet ang maiin an nei a. Mahse ram leh hnamin humhalh a mamawh lai berah kan YMA chuan YMA nihna a hloh zo ta a, Champhai Sub Headquarters YMA chuan an NGO dangte phatsanin sorkar nawrna atan a inhnukdawk ta zul zul mai le.

He ta kan hmuh ni point 3 lek thiam ang tawk tawkin ṭha­hnemngaihna rilru nen mi pawi sawi hlau tak chung siin ka rawn tarlang duh a ni.

1. Ram leh Hnam - Kan ram chu Mizoram a ni a, kan Hnam chu Mizo hnam hi a ni. Hei hi kan humhalh dawn a nih ngai chuan tun hi kan au chhuah hun tur dik tak a ni. Champhai YMA hian smuggler ten FIR an thehluh ngam tawh hnu pawha aw an chhuah ve ngam ta lo hi chu ṭhang leh thar lo la awm zel turte hian ram leh Hnam Humlahtu ni lova Phatsantu anga an sawi zui a nih pawhin tumah dang an dem thei lovang.

2. YMA hming a hliau - A khaw nawt inlung rualin thawm an chhuah tawh a, chutah chuan YMA pawh an tel ve ngei a ni. An dinna pawh Champhai DC transfer sut tura a tawp thlenga nawr a ni. Bandh neih te, kawng zawh te, dawr khar te, Republic Day Boycott te an rel khan YMA hi an tel ve a, tuna taka an han insaseng ta daih mai hian YMA ah rinna miin an hloh phah dawn. YMA an bân ruala lawm ber chu smuggler an ni.

3. Mizo ṭhalai an lo lang - YMA chuan a kut a lo sil ta a, mahse YMA mem­ber rual ni tho khan an hruaitute tel lovin kawng an zawh ta. He thilah hian chân (loser) an awm a nih chuan YMA hi a ni a, YMA-a rinna nghattu tam takin he thutlukna avang hian kan ngaih hlut YMA an dem phah dawn.

YMA hming ni lo pawhin kawng a zawh theih tih a takin an lantir ta si a.

- VL Hriata