RAM LEH HNAM HUMHALH

Ram leh Hnam humhalh chung chang hi ram mipui tam zawk hian kan vei em mi chu aw tih turin, Pawl lian ber YMA meuh pawhin Kumpuanah a puang ngunin rawtna pawh a tam ṭhin hle mai.

Ram leh Hnam humhalh hian a huap a zau a, engkim hi a huap a ni deuh ber e. Heti hian in sawi ṭan dawn teh ang.

Ram ngaw hum­hulh: Ram ngaw hi kan humhalh a pawimawh tak zet a ni. Ram ngaw hi nunna min petu, mihringte tana nunna pawimawh tak a ni. Ram ngaw han tih hian thing leh mau tamna hmunah chuan ruahtui a tam a, ruah tui tamna hmunah chuan eng­kim a hun takah a thleng ṭhin ang hian, kuthnathawktute tan pawh malsawmna a thlen kum tin a ni. Chuvangin thing leh mau te hi humhalh thiam ila, kan tu leh fate tan malsawmna ropui tak kan thlen thei dawn a ni tih hi i hre nawn fo teh ang u.

Amazon ram ngawpui hi khawvel chuap tih tur khawpa ram ngaw zau a ni a, khawvelin a ngaihven em em tih hi kan hriat nawn fo a ṭha awm e.

Nungcha hum­halh: Nungchate hi mihring tana thil ṭangkai tak an ni. Tunlaiah chuan khaw­vel mipui hian kuthnathawh kan uarin eizawnna tam zawkin hma kan la emaw tih tur zawk a ni.

Mizoram kan ram bikah han thlurbing ta ila. Nungchate hian pawimawhna tam tak an nei a, kan thlai chin tichhetheitu ran­nung lo eitu an ni a, chuvangin nungcha humhalh kawngah hian, Zoram mipuite ṭan lak nachang kan hriat a, kan harh thar a ngai khawp mai.

Thil pakhat kan hriat tura ka duh chu, khuai hi a ni. Khuai hi an lo pawimawh leh zual a, kan thlai chin a lo par hian khuai te hian chi an lo thlah chhawng nasa hle a ni tih hi i hre nawn fo teh ang u. Khuai kan la a nih pawhin, a hal hlum zawngin ti lo ila, a ṭha awm e.

A tawp berah chuan, Mizoram kan ram zimte huam chhung hi chu, Mizo mipuite hian hum­halh nachang hria ila. Nang leh keiin he kan ram hi kan humhalh loh chuan, kan ṭhenawm state dangte hian min rawn humhalh pui dawn lo tih hre reng ang u. Ram leh hnam tan ṭan ila sauh sauh ang u khai.

- K.Laltanpuia (Tpa), Tuidam