A bilh lam hi uluk a ngai a ni
Tunlai hian Mizoram Tipper Association President hovin Teirei lei lam kan buaipui a, a bilh a lo fuh lo ve hrim hrim a ni ber e.
Teirei Lei dawhna tur pawisa hi vawi hnih khat revise anga kan hriat kha vawi hnih revised a lo ni zawk a.
Zamuang leh Bairabi inkara Teirei lei dawh tur hi NABARD sum puka siam tur a ni a, 2017 khan Satguru hian tender chhangin a hna hi an chang. Teirei lei dawh tur hi vawi hnih revised a ni tawh a, a tira lei dawhna atana ruahman hi cheng nuai 800 vel a ni a, hei hi tidanglam lehin nuai 1365 revised a ni.
Hemi hnu hian revised a ni leh ta a, hemi hnu hi chuan nuai 2233.8 a ni daih tawh niin thu dawn a ni.
Kum 2020 khan MPWD lamin Satguru-in a lei bul ṭhut an siam chu a quality a tling lo tih an hmuchhuak a, a hna hi stay nghal a ni. Satguru hian test leh an duh a, cement quality hi kar kal ta Inrinni khan an test nawn leh ta ngei a ni. A result hi kar hnih hnu velah a lo chhuah rin a ni a, a lei load lak theih zat hi test leh tur a ni bawk.
An ti nek nek ang a, kum a kal leh mai a rinawm a ni.
Teirei lei dawh tur hi MPWD lamin a drawing an la peih lo niin thudawn a ni leh rih ta tlat mai - ziah ṭhat a ngai zing deuhah ngai ta i la! Rokhawlhna awm lo turah ngai tho bawk i la, a hahdamthlak ang. A lei drawing hi an peih ve vat turah ngai ta phawt i la...
Satguru ho hna tho Langkaih lei chu Teirei lei ai hian a la buaithlak zawk niiin sawi a ni. Hei hi 2017-ah tho Satguru hian an hmu tawh a, a lei ban an phun a che niin an sawi.
Langkaih lei siam dan tur hi an la sawi thui lo a ni maithei, hna an la chawl rih niin thudawn a ni.
ABCI khan Bairabi Tlawng lei kha kum 13 vel zet an dawh a, nuai 600 bawr vel a lei tender kha hna an zawh meuh chuan nuai 1500 a tling hman daih a ni.
A bilh lam hi uluk deuh i la, a bilh pawh hi a tho ṭha duh deuh ngeiin a rinawm. Thenawm State ten kum hnih khat lek leka Lei lian zawk an dawh zawh lai a, Lei te zawk dawh zo hlei thei lo... ṭhangkhat lian zet lei dawh a, NGO ten an tlawh hut hut lei dawh bik hi tihtawp a hun e.
- Zmp Tlau