Kan lo fimkhur nan

Tunlai hian Gautama, Kolkatta lam inti-in Vanglaini-ah Hongkong-ah Beneres Restaurant a thawk tur Advertisement a chhuah a, apply an awm nual a. A apply apiang interview pawh awm lovin a tlin tir zel a, rei lo te chhungin Hongkong ‘visa lem’ photo a thawn a. Visa lem a thawn hnu hian employment fees tiin pawisa Rs sing hnih chuang a dil hlawm a, he thil hi a lem a ni e.

Hongkong Work Visa dik tak chu a sen deuh tur a ni a, he Gautam-a hi chuan a hring deuh a pe chhuak hlawm a ni. Hongkong-a ka zin laiin ka ṭhianpa pakhat hian a lem (fake) nge a tak tih min lo zawt a, an address Google a zawng turin ka ti a, a zawn hmuh loh hnuah ka va zawng ve ta a.

Ka thlenna hotel nen a inhnaih bawk nen, nileng deuh thawin ka zawng a, ka hmu zo lo. Ka hmuh zawh loh thu ka sawi a, a awi bawk si lova.

A tukah taxi driver nen kan zawng leh a, Gautam-a sawi ang restaurant reng reng a awm lo tih ka hmu chhuak a. He thil hi a lem a ni a, apply an lo awm nual a, in chhungte or in ṭhiante apply an lo awm a, pawisa deposited tura a tih chuan a lem a nih thu hi in lo hrilh zel dawn nia.

A reng reng thu-ah ram dang/ overseas a hnathawh tum reng rengin mi awmpui (House maid) tih loh hi chu interview hi an ngai pawimawh khawp mai.

Interview hlei lova ‘i tling’ an tih chuan rinhlelh nachang hriat a ṭha. A pawimawh si a, Mizo mipuite hmakhua ngaiin thiam lo tak chungin ka han ziak ve a ni e.

- Joseph Chinzah