Vanglaini newspaper, 23rd December, 2021 issue a “Kawlphetha leina tur P&E Deptt in a thup ṭhen” tih chung chang sawifiahna

He lai thu hi JERC-in P&E Department Tariff Order for FY 2021-22 a siam (phek 59, 60 leh 61) ah Approved ‘Aggregate Revenue Requirement (ARR) for 2019-20’ Truing-up a neih laia observation siam a ni a. JERC lam observation-ah chuan P&E Department-in Govt. Revenue subsidy an hmuh tur lo duan lawk, Rs 115.095 crore bakah Rs 283.57 crore pawh Govt aṭangin an dawng a.

Hetiang a nih si chuan a hma Net Revenue deficit zat tura chhut chhuah, Rs. 108.92 crore hi ni lovin Rs. 174.65 crore ( i.e, Rs 108.92 crore - Rs. 283.57 crore) in Surplus Revenue a ni zawk. Chuvangin, Danin a phut angin a hlawkna 1/3rd pawh hi Consumer-te tariff tih hniam nana hmang ngei tur a ni tih chu JERC lam thu tihtluk dan a ni.

Hemi chung changah hian P&E Department lam te pawh kawmin an ngaihdan te pawh pawh ziakin lak khawm a ni (copy enclosed). Ka hmuh danah chuan JERC lam hian Power Deptt hi corporation/ Board ang takin an audit a, an finding pawh hi a dik reng mai.

Amaherawhchu, Department lam insawifiah angin P&E Department chu Corporation a la ni lo a, sawrkar ta leh sawrkar chhunga la awm a la nih avangin sum pawh an mamawh angin, Revenue subsidy atan kher lo pawh, thil dang mamawh atan grant a dawng theiin a hmang thei a ni tih hi an ṭanchhan chu a ni.

Engpawh chu ni se, P&E Deptt lam ṭanchhan hi JERC lam chuan a pawm lo a, an thu lo tih tluk tawh anga kal tlangin Revenue Surplus Rs 178.07 crore nei angah a ngaih sak a. Revenue surplus pumpui aṭanga 1/3rd i.e., Rs 59.36 crore chu kum 2021-22 chhung atana Tariff Order hman mekah hian Consumer-te Tariff tihhniam nan book (pass-on as rebate) luh a ni ta a ni.

Chuvangin, helai issue hi chu thutlukna siam fel leh implement tawh a nih angin thu mu hnuah ngaih chi a niin han tharthawh vak leh chi pawh niin a lang lo.

- Lianlunga