A sen chu a sen

Mi an lo hausa ta thur thur a nih pawhin lo zam suh, lo tlawn hek suh. Miin a ṭan lam a thlak a nih pawhin amah ni lo thil dang chu a la ngai reng tih hria la, lo zam suh. Thil sen hi chhim lamah pawh a sen a, chhakah pawh a sen a, Vai pawhin a sen an ti a, Muslim pawhin a sen an ti a, tumahin a sen na na na chu a dum an ti hauh lo ang tih hi lo hria ang che.

Hmana pa dik lo kha a hausak tak avangin a dik ta thut lo. Tun hmaa i mi hriat chian em em, tunge a nih i hriat chian, a hnathawh pawh i hriat kha vawi leh khatah a lo hausa ta thut a, a hausak duh dan a dik lo a nih chuan a hausak tak hnuah khan a dik thut dawn miah lo. Tun hmaa mi corrupt chu mi corrupt a ni reng ang. Chuvangin ka ṭhiante u, Mizoramah hian tun hmaa mi dik lo tih kan hriat hi an hausak tak avangin mi dik hmuhin hmuh i tum lo ang u. An sum kan it avangin i tlawn hek lo ang u.

A sen kha a dum thut lo, a la sen reng; kan la chhin­chhiah khiau a ni mi pangngai chin chuan.

Tin, Aizawla sen hi Zokhawtharah pawh a sen a, Lunglei leh Siaha-ah pawh a sen a, Silchar-ah pawh a sen a ni reng tho ang.

I thlirna kha lo dang deuhin i awmna kha thlak mah la thil sen na na na chu a sen a ni zel dawn a ni. Tuin emaw a awmna party a thlak khan thil sen na na na kha hmuh pawl tak phût tur a ni lo.

Thil sen na na na chu a sen a ni zel dawn. A sen duh chuan a sen kha la duh zel mai tur, a la sen reng si. A sen duh lo chuan a sen kha duh loh zel mai tur - a la sen miau avangin duh lo mai rawh aw.

- Lalrokima