Electric bill tihsan chungchanga P&E Department zawhna

1. Mizoram mipui tlemte in an chhawr Lengpui Airport a Generator tui (fuel) man hi Tariff petition a, cost of fuel Rs.0.01 cr. ah telh a ni em?

2. Cost of Power purchase Rs. vbc 466.61 tarlanah tualchhunga P&E Department SHP project ni si Amazon Engineering in enkawltir mek Khawiva, Tuipui, Teirei leh Kau Tla-bung aṭanga power lei tura tarlan hi ram pawn power project ang thoin JERC phalna (approval) lak a ni em?

3. Thawktu hlawh (Employee costs) Rs. vbc 152.98 rawtnaah hian project la commi­ssion loh heng Serlui 'B' Hydel project te, Ngopa Hydel division leh Khawbung division hnuaia mite telh a ni em? Chutiang bawkin Power Sub-station, line leh a dangte hnathawh mek, ongoing works te. Tin, P&E Department ah hian thawktu Engineer leh a dang nghet leh nghet lova thawktu zat (Contract leh MR zat tiamin) leh an hlawh zat (salary & allowance, bonus, leave travel concession & honorarium etc.)

4. Interest charges Rs. vbc 0.46 leh Interest on Working Capital Rs. vbc 6.53 hi a takin Bank/ FI's aṭangin loan lak a ni ngei em?

5. Vanglaini chan­chinbu ni 23 December 2021 in a tarlan JERC report aṭanga hmuh "Mizo­ram Sorkarin Kawl­phetha leina tur P&E Department sum a pek aṭangin Rs. vbc 178.07 chu a thup/thai bo niin a tarlang.

Kum 2018-19 leh 2019-20 chhunga P&E Department hnena Kawlphetha leina tur Mizoram Sor­karin sum a pek Rs. vbc 283.57 P&E depart­ment hian a tarlang lo tih JERC hian a hmuchhuak a ni, tihte hi han sawifiah ni se.

- VL-a, Tuikual South