TAWLHLOH PUAN AIAH HNAWHCHHUAH

Keinin CAB thlawptu Tawlhloh puan kan bahtir laiin Nagaland-ah chuan an MP chu Party aṭangin an hnawtchhuak thung. Nagaland State a Opposition Party lian, Naga Peoples Front (NPF) chuan nimin (Wednesday) khan an Party Rajya Sabha MP, KG Kenye chu Parliament-ah CAB thlawp zawnga vote a thlak avangin an Party aṭangin an hnawt chhuak. 

NPF hian thla hmasa a CAB pass naa thlawptu Kenye bakah an MP dang, Manipur aṭanga Lok Sabha MP, Lorho S Pfose te chu Show-Cause Notice an pe a, Pfoze hian ngaihdam a dil a. Kenye hian CAA-in an state an huam loh vang leh ILP an neih tho avangin a vote tiin a in sawi thiam thung. A insawi thiamna erawh pawm a ni ta lo. "In Persuance to the recommen­dation of the Disciplinary Action Committee and in the Exercise of Power conferred on me as President of NPF, you are hereby suspended from both Primary and Active Membership of NPF till further order. However, you will be bound by the whip of NPF on the floor of the Upper House(Rajya Sabha) as per existing law and Judicial decisions of the honourable Apex court(Supreme Court)" tiin NPF President, Shurhozelie Liezietsu hnen aṭangin lehkha mawi a dawng a ni. 

Comment - An MP te hi "Chulam chu vote tur" tiin an hrilh ve lo a, an chhia leh ṭha hriatna hmang theiin an siam a, an hman dik loh a ngaihdam an dil loh chuan an hrem mai a nih hmel. Keini-ah chuan campaign laia CAB chungchanga Principle nghet tak nei kha a chhia leh ṭha hriatna hmang thei lovin 'Chulam chu vote' tur tiin an hrilh a nih hmel a, a rawn haw a. A principle leh thutiam bawhchhe ngeitu chu Mizoram a huam loh vangin Tawlhloh puan kan lo bahtir thung a! 

CAB ṭan zawnga vote a thlak hian CAB hi a ṭha an tih viau vanga vote a nih lohna chhan chu Mizoram a huam loh hrim hrim vanga heti taka an lawm leh an uanpui hi CAB ṭha an tih bik lohzia a lang reng a. Ṭha ti lo reng chunga CAB a vote leh hlauh si hian Tawlhloh puan a ti pamhmai ngawt mai! 

- David Sailo