BJP + MNF = NEDA

India ram chanchinbu hrang hrangin tun ṭuma Mizoram Assembly inthlang tur chanchin an ziahnaah North East Democratic Alliance (NEDA) kal tlangin MNF leh BJP an ziah zawm zel a, MNF in awr phiar ṭawng ṭawng khawpin, "BJP nen kan thawk dun lo," tih mahse national media lamin BJP leh MNF hi thil thuhmun angin an sawi a, Congress dotu party hrang pahnih angin an sawi lova, party pahnih sorkarna siam tuma thawk dun angin an ziak a, hei hian Tripura BJP Secretary thusawi kha a nemnghet chho zar zar a ni.

Tripura Chief Minister Biplab Kumar Deb thusawi media hrang hrang a lo lang hi ngun takin han zir ta ila, he BJP pa hian BJP leh MNF hi thil thuhmun ang deuhin a ṭawngkam ṭhenkhatah hian a sawi a, hmun ṭhen­khatah sawi hrang mahse a thusawi pakhat Indian Express-in a ziah hi thur chhuak ta ila mipuiin thil awm dan kan zir thiamin a rinawm hle a ni:

Tripura Chief Minister Biplab Kumar Deb last night talking to media reaffirmed that there will be no government formed in Mizoram in upcoming election without BJP whatever might be the formulation of political equation by the pundits.

....BJP will play the role of catalyst this time in forming a government in Mizoram leaving aside all campaigns against it.

"In the history of Mizoram this is for the first time Speaker of the existing assembly Hiphei left Congress and joined in BJP.

The Home Minister Lalzirliana had resigned form the ruling Congress and joined in opposition Mizo National Front (MNF), which is also a part of part of the North East Democratic Alliance (NEDA), a BJP-led conglomeration of anti-Congress parties of Northeast," Mr Deb underlined.

Tripura BJP pa thusawiah hian Congress hruaitu Pu Hiphei leh Pu Zira ban thu a ni a, Pu Hiphei chuan BJP a zawm a, Pu Zira chuan MNF lam zawk a zawm thung a, nimahsela he MNF hi party dang daih ni lovin BJP thuneihna hnuaiah NEDA-ah an awm sa tho a ni, tiin a thusawi hi tawi fel takin a hrilhfiah theih a, BJP leh MNF hi a sawi hrang lo a ni. He thusawitu hi Tripura Chief Minister a ni a, Tripura BJP-te hi Tripura-a Tuikuk camp-a vote zawnga phi cheng mai leh Mizoramah pawh Chakma leh Tuikuk awmna biala vote zawnga tlan kual reng mai an ni si a.

November 10-a Deccan Herald chanchinbu chuan BJP-in MNF an pui dawn tih hi heti hian a ziak a, "The MNF is projecting former two-time chief minister Zoramthanga as their chief ministerial candidate, but the BJP has not named their CM candidate, indicating that they would back Zoramthanga, after the results to keep the Lal Thanhawla-led Congress at bay," an ti. He chanchinbuin chiang taka a ziah chu BJP hian Mizorama sorkar siamna kawngah tel ngei ngei a tum a, Deccan Herald chanchinbu ziah dan chuan BJP hian Kristian tamna state Meghalaya leh Nagaland a la tawh angin Mizoram pawh hi lak leh ngei a tum tih a ni.

BJP hian engti kawng mahin Mizoramah sorkarna an siam dawn lo tih a chiang. Mizo awm tamnaah MLA seat an beisei ngam lo tih pawh a chiang viau bawk. BJP hian Chakma leh Tuikuk awm tamna lamah MLA neih dan zawngin ṭan an la nasa a, chumi party-in huaisen taka, "Sorkarna kan siam dawn," an tih chuan, "Thawhpui kan nei," an tihna a ni a, chu an thawpui chu, "BJP nen kan thawk dun lo reng reng, NEDA-ah kan inzawm mai mai a ni...," titu MNF hi an nih lovin tunge ni tawh ang le? A chiang a ni lom ni?

November 2-a Hindustan Times chanchinbu chuan Mizoram inthlan tur chanchin hi a ziak a, chutah chuan, "Chief minister Lal Thanhawla, his cabinet colleagues and top Mizoram Pradesh Congress Committee (MPCC) leaders have already hit the campaign trail, and so has former CM Zoramthanga of the main opposition, Mizo National Front (MNF) - part of the BJP-headed NEDA (North East Democratic Alliance)," tiin an ziak kher a, Pu Zoramthanga party MNF chu BJP-in a thunun NEDA zinga mi a nih thu chiang takin an ziak leh bawk a ni.

Tun hnaiah MNF lamin, "BJP nen kan thawk dun lo," tiin an sawi an sawi a, thawk dun lo na na na chu tumah hian an puh lova inpuh chi pawh a ni lo. MNF leh Congress hi an inhal avangin thawk duna puh chi an ni lova, MNF leh ZPM hi an inhal avangin thawk duna puh chi an ni lova, MNF leh BJP an han puh sup sup hi chu an inhal lova, NEDA-ah an inzawm tlat avangin Mizoram inthlan lo awm turah pawh BJP chuan, "Sorkarna kan siam dawn," an ti ngam a, an tih ngam chhan chu an thawhpui MNF nen sorkarna inṭawm siam an tum vang a ni.

Mizoram mipuiin chiang taka kan hriat ngai chu MNF hian BJP nen inzawmna an nei tih hi a ni. MNF hian "BJP nen eng ti kawng pawhin sorkarna siam kan tum lo," tia mipui hmaa an intiam ngam a nih loh chuan a rukin sorkarna siam tumin thiam takin an inbia a, Tripuira BJP Secretary-in a lo puan tawh ang khan Mizo mipui nawlpuiin BJP an pawm theih loh avangin inthlan zawha BJP leh MNF thawhhona lamah chuan harsatna a awm lovang, a tih kha phai lam media hrang hrang thuziakte hian a nemnghet a ni. MNF hi kan duh chuan kan vote thei a, BJP nen an thawk dun tih erawh chu kan hriat tel a ṭha a ni.

- Lalzawmliana (Mazawma)