Vanglaini logo
Written by
Michael Lallianmawia

Inbeihna mai mai nge thil tak tak?

'Mizo Naupang Hausate chu' tih hi in dawng ve tawh ṭhinin ka ring.

Whatsapp-a politics lam rim nam deuh group-ah hi chuan tlemlai deuh aṭang khan a leng nasa hle. Facebook lam pawh keu ila, a search-na lamah khan 'Mizo Naupang Hausa' han ti la MNF President Pu Zoramthanga fate hming leh an pawisa neih zat a lo lang ṭhin a.

Hei hi politics-a inbeihna mai mai a nih chuan thil tenawm tak a ni a, a sawi chhuaktute pawh hi dan anga hrem ngei ni se, thil tak tak a nih chuan kan MNF Chief Ministerial candidate fate hausak dan hi chu chhui chian tham a ni tih hi a lo mak vak lo a ni.

Ka thu dawn chu, ‘Mizo naupang hausate chu’

On demand the said HDFC standard LIC policies in favour of the two children of Pu Zo­ramthanga was furnished by the HDFC LIC Guwahati, the status report of the policies are as follows:

1. Ramthansiama p/no 13591609 for Rs 50,00,000/-

2. Ramthansiama p/no 13631470 for Rs 20,00,000/-

3. Ramthansiama p/no 13631474 for Rs 30,00,000/-

4. Milari chhangte p/no 13749480 for Rs 20,00,000/-

5. Milari Chhangte p/no 13749395 for Rs 20,00,000/-

(Supplementary chargesheet no 3/2012 dt 16.4.2012 by ANTI CORRUPTION BUREAU)

Pu Zoramthanga fapa Ramthansiama hmingin Rs 1,00,00,000/- (cheng nuai za) dahin, a nau Milari Chhangte hming Rs 40,00,000/- (cheng nuai sawmli) dah a lo ni a.

Pu Zoramthanga hian a faten fo­reign-a an lehkha zirna atan Rs 27,85,000/- (cheng nuai sawmhnih leh pasarih, singriat leh sangnga) an hman thu 29.10.2011 khan a sawi bawk.

Chief Minister hlui Pu Zoramthanga fate hi tunlai nau­pang/ tleirawl hausa ber an ni hial lo maw?

He thu hi thil thar a ni lova, hei hi MNF lam emaw Pu Zoramthanga hian rawn sawi fiah thei se, mipuiin Chief Minister atan mi dik leh rintlak tak kan duh avangin CM ni thei tura rin mi pathum zinga mi hian a fate hminga pawisa a dah chin ringawt pawh hi sawifiah ngai a ni.

Ngawih hmak ringawt hi chu Bawng­kawn-a MNF ho ram hralh rua an puhna, "Kar lehah Press Conference kovin ka sawifiah ang," a tih ang khan a ngawi tlang leh mai dawn em ni le?

Politics inbeihna ten­awm nge thil tak tak?

- Michael Lallianmawia

Load more