BIBLE LEH HLAA MIZO ṬAWNG DIK LO LAR ZUALTE
1. Kan tan naupang a lo piang a, tih hi kan tan nau a lo piang a, ti zawk ila
2. Ka Tlantu chu a nung tih ka hria, tih hi mi Tlantu chu a nung tih ka hria, ti zawk ila
3. A Fapa mal neihchhun min pe a, tih hi A Fapa mal, a neihchhun min pe a, ti zawk ila
4. Lalpaah chuan lawm fo rawh u, tih hi Lalpaah chuan lawm reng rawh u, ti zawk ila.
5. Kan/ Ka Chhandamtu tih zawng zawng hi, Mi/ Min Chhandamtu tiin thlak ila.
6. Kan/ Ka Tlantu tih zawng zawng hi, Mi/ Min Tlantu tiin thlak ila.
7. Reng fo leh reng ṭhin tih hi, 'reng' tiin thlak vek ila.
8. Zel fo leh zel ṭhin, tih hi zel, tiin thlak vek ila.
9. Fo ṭhin, tih hi hmang tawh lo ila - awmzia a nei lo si lo.
10. Pathian hi chatuan mi a ni a, A danglam ngai lo. Chuvangin,
11. Min hmangaih reng.
12. Min khawngaih reng.
13. Min hmangaih ṭhin lo
14. Min hmangaih fo lo
15. Min khawngaih fo lo
16. Min khawngaih ṭhin lo
17. Min hmangaih fo lo
18. Min hmangaih ṭhin lo
19. Min hmangaih ṭhintu a ni lo
20. Min khawngaih ṭhintu a ni lo
21. Min hmangaih fo ṭhin lo
22. Min khawngaih fo ṭhin lo
23. Min khawngaih zel fo lo
24. Min hmangaih zel fo lo
25. Sam bu-a ṭhin leh fo zawng zawng hi paih vek ila, Sam Hla-in min hrilh a tum, Pathian danglam ngai lo a nihzia hi a lang chiang chauh vang.
26. Missionary Saphovin Mizo ṭawng an hman dik loh zawng zawng hi i tidik ngam ang u. Kum reilote chhunga Mizo ṭawng an thiam hi an fakawm a; an thiam kim loh, an hman dik loh zawng zawng tihdik hi kan bat a ni.
27. Kan piangthar rei lo, kan tih leh kan nghet lo, kan tih te pawh hi Pathian chu danglam ngai lo a nihzia kan Bible leh Hlaa Mizo ṭawng dik lo, a chunga kan sawi takte kan hman avang hi a ni thui hle ang.
28. Kan ṭawngṭai a, “Lalpa, min hmangaih ṭhintu, tih te hi a dik lo hle a ni. Pathian chuan min hmangaih loh chang a nei a, min hmangaih chang pawh a nei, kan tihna a ni a. He ṭawngkam dik lo hi Bible leh Hla aṭanga kan zir chhuah a ni. Pathian kan sawi hian, ‘fo’ leh ‘ṭhin’ hi hmang lo ila, ‘reng’ leh ‘zel’ hi hmang zawk zel ang u. A dik lo hman hi a pawi thui hle si a.
- Isaac Zoliana