TELHAWNG

Tunlai Mizoram Sorkarin Aram mipui tan intodelh theihna tur leh hmasawnna tura a hmalakna te a lo hlawhchham fo vei nen, sorkar hmalakna reng reng hi engmah han rin ngam tak kan nei thei tawh lo a ang ber a nih hi.

Ṭiau leh Tuipui kam vela cheng Burma lam khian sum leh pai lak luhna nei ve ta lo chu hmarcha an han ti ve a, ṭum hnih khat an tih fuh laiin tunah chuan an sim ta deuh chu a nih khi. A chhan chu a dawrtu ber chu Vai an ni si a, Vai nen an indawr fuh hlei thei lo khi an buaina ber a ni. Tunah chuan Telhawng lamah an pakai ta daih mai.

Telhawng hi enkawl a awlsam a, phaiah phei chuan kum hnih khatah a ba a tak khi a lak mai theih a, tlem vel fai deuhin, pan ve deuh in an phel a, nisa-ah pho roin telṭin khat chu Burma pawisa in, cheng sing riat sang nga (85000) a ni mai.

Tichuan, Bagha leh Silchar-ah a tla thla ti vel a awm ve lo, Amah erawh chu ni saa pho lai khan ruah leh dai nan tir loh tur a ni thung. A chhan chu Telhawng kha a duk deuh chuan thil dang pawlh sawp a nih an hlau a, an lei duh tawh ṭhin lo a ni.

Tin , a khur laih sa ngei a phun phei chuan lian duh tak a ni. A par sen chi hi an lei duhin a ṭha bik an ti bawk. An hmanna thu hla erawh kan hre phak ve lo.

- Chiliansang, Lawngtlai