"Kan tling dawn a ni"
Tunlai chu MLA inthlan a h nai leh tawh a, tling tur kan ngah leh tawh khawp mai a, politician thusawi hi thleng dik vek dawn ta se Mizoramaah hian ruling party hrang ṭhiau pali kan nei dawn tihna a ni a, BJP Mizoram President pawh khan kum 2023-ah chuan BJP an sorkar theih a rin thu a lo sawi ve tawh a nih kha kan la hre awm e ti rawh u maw?
Tun hnaiah te hian kan MNF party President Pu Zoramthanga hian an tlin tur thu hi a sawi a sawi mai a, seast 30 aia tlem lo an lak tur thu a sawi thul, a sawi hi a dik leh dik loh tur chu kei chuan ka hre ve lova, a thu lo sawi tawh ṭhenkhat hi mipuiin kan hriat reng avangin a a thu lo sawi tawh ṭhenkhat hi tlem azawng chu han tarlang ta mai mai ila, phuahchapw lam ni lova a sawi hnu sawi chhanw hi chu thil thiang turah ka ngai a ni.
Pakhatnaah chuan kawng chhawng chungchang hi a ni a, Aizawl khawpui hi state capital-ah chuan traffic jam awm lohna khawpui awm chhun a nih tur thu kha a lo sawi tawh a, hei hi a la thleng dik lo. Hei hi thleng dik tur chuan kawng chhawng hi siam phawt emaw, motor tlan thei lova siam vak emaw a ngaih avangin thil awlai tak a ni lovang a, kan hotupa hian inthlan campaign lai khan a lo sawi tawh a ni.
Cheng nuai thum sem chungchang phei hi chu a video a darh nasa a, kha video aṭanga a lan dan kha chuan kan va dil pawh ni lovin amah khan min zawrh a, a zawhte lah kha a duhthawh em avangin NLUP dawng tawh te thleng khan cheng nuai thum pek a tiam hmiah hmiah a, cheng nuai thum hi kan la dawn loh avangin mi tam tak chuan SEDP hnuaiah hian cheng nuai thum dawn hi thil theih lovah an ngai tawh a, mahse keini rinna nei tam deuh chuan kan la nghak zel dawn a ni.
Politician thusawi hi chu a thleng dik a awm a, a thleng dik lo a awm a, Lammual aṭanga Assam Rifles sawn chhuah a sawi te pawh kha a dik tak chuan a phuahchawpa a sawi pawh a ni lova, a lehkha pawh kha a awm tawh a, mahse sorkar laipui lam in an ranw sawn leh si loh vang a nih hmel zawk a, dawt sawi pawh ni lovin an thu angin sorkar laipui kha an awm lo zawk niin ka ngai ve tlat a, chutih lai chuan tun hnaia tlin tur thu puangte hi thleng dik tak maw le?
- Lalrammawia