Bawlhlawh paih man chungchang
Tun hnaiah AMC-in bawlhhlawh paih man mipuiah (Local Council-ah) a hma aia tam zawkin an ṭhing tawh dawn tih kan hmuh khan mi tam tak chu an phun nghal sup sup a ni. Bawlhhlawh paih man (a pawisa) vanga phun an nih chuan a dik lo tiin ka sawi duh a, bawlhhlawh hi mahniin paih dawn ila tuna AMC pawisa min khawn zat let tam fe hi kan sen a ngai dawn tih hi lo hre phawt teh u.
Bawlhhlawh paih man a to lo tih hi ka rawn sawi nawn duh a ni. A chhan chu ka dinnaah hian nghet takin ka rawn ṭang ve tlai khawhnu duh a ni.
Veng azirin Local Council ṭhenkhat chuan mipuiah pawisa khawn belh chuang lovin Local Council-in a man punna hi an do let ngar ngar dawn tih te pawh a awm a. Kan bawlhhlawh sawngbawl man a san tak em avang hian a paih manah hi chuan kan inseng ngam ve tur a ni.
Bawlhhlawh hi mahnia paih tur ni ta se kan insenna hi a sang zawk daih dawn a, chuvangin sorkar thil tih sawisel reng ringawt zel mai hi chu i ching tawh lovang u, Kristian ram kan nih hi maw.
Mipui phunna hi a ki dang zawk AMC kalphungah hian a nih chuan chu chu ka support zawk a, AMC lama pawisa an hmanna hrang hrang hi en ila inrenchemna nei reng reng lo ang maiin an awm tlat a ni.
Mizoram sorkar department dang te ai pawhin AMC thawktu leh Councillor hian tour hi an ngah zawk hial awm e, an ti ṭhin. Mizoram pawnah sum tam tak sengin an zin a, an lo haw hnuah kan khawpui emaw an ward in emaw a hlawk pui em em pawh kan hre chuang lova, chutihlaia bawlhhlawh paih man lama sum an nei leh miah si lo hi a inmil thei lo zawk laia chu a ni.
Thil dang pakhat leh han sawi belh leh ta bawk ila, kan sawi ta sa sa. AMC ve riang ruang hi chuan AMC Office tur hi hmun fal leh zau deuh nei ve thei tawh se, chu tah chuan municipal corporation hi ṭha takin function thei tawh bawk se.
Aizawl khawpui harsatna chingfeltu atana kan hual AMC hian awmze neiin ṭan la zel rawh se. Aizawl tan AMC hi kan innghahna a ni si a.
- Machhandama, Aizawler