KA CHHANDAMTU VS MIN CHHANDAMTU

'Ka chhandamtu' tih emaw 'Kan chhandamtu' tih emaw hi Zoṭawng hman dan dik lo, kan Zosap missionary-te hman dan leh tih chhuah emaw tia sawi leh ziah hi kan hriain kan hmu ta zauh zauh a, a tawi thei ang bera sawi fiah a ngai ta a ni.

'Ka chhandamtu' tih emaw 'Kan 'chhan­damtu' tih emawah hian 'ka' emaw, 'kan' emaw hi thil neih lam thu sawina 'possessive adjective' a ni a, 'possessive pronoun' tia sawi a ni ṭhin bawk.

Hetah hian 'chhandamtu' hi Isua sawina a nih chuan, 'ch' hi hawrawppui a ni thung ang; entir nân, Ka/ Kan Chhandamtu. A kal phung chu 'Ka fapa, 'Kan in', tih ang hi a ni.

'Min chhandamtu' tih emaw 'mi chhandamtu' tih emawa 'min/ mi' hi objective pronoun niin chhandamtu hi subjective pronoun a ni thung.

He sentence-ah hi chuan 'chhandamtu' tiha 'ch' hi hawrawp têa ziah tur a ni thung. A tlukpui: 'Min hmangaihtu', 'Min tlantu', 'Min ti damtu', Min ti hlimtu, adt.

- Dr J.T. Vanlalngheta, Adviser,  Mizo Grammar Society