Khawiah nge kan pawisa a luh?

Sorkar hian damdawiin a nei nual a, Civil Hospital ho ringawta inentir hi kan tam tham viauin a rinawm a. Kan inentirin pawisa kan chawi ṭhin... Mahse maw, damlo inentirna aṭang hian kum 2020-21 khan sorkara pawisa lut cheng khat mah a awm lo a. Kum 2021-22 khan cheng 26,000.00 chauh sorkarah a lut a. Kumin 2022-23 hian cheng sing 28,000.00 chiah lut tura beisei zu nia!

PWD-in an khawl chi hrang hrang man chawiin midang an hawh tir ṭhin a. Khawl hawh man aṭang hian kum 2020-'21 khan sorkarah cheng 5,000.00 a lut a. Kum 2021-22 khan cheng 1,000.00 lutin kumin 2022-23 hian cheng 1,000.00 tho lut tura beisei zu nia!

Heng hi mipuiin hriat­ chian kan phu a, Depart­ment emaw sorkarin puang chiang se a duhawm ka ti.

Department hrang hrangah chhan hrang hrang avangin chhiah ni si lo pawisa kan pein kan chawi ṭhin a. Kum 2022-23-a sorkarin pawisa lut tur (non-tax revenue) a beisei te hi, chipchiar lem lovin tarlang ang.

Assembly Secretariat - nuai 22.22; Governor Sec­retariat - nuai 1.30; Council of Ministers (Chief Minis­ters Office) - sang 1; Law & Judicial - nuai 84.95; Revenue - nuai 330; Finance - nuai 3,969.36; MPSC - nuai 35.63; SAD - nuai 14.10; DP&AR (ATI) - nuai 4.62; Planning - nuai 109.36; Home - nuai 645.09; Supplies - nuai 1,018.29; Printing - nuai 214.72; LAD - nuai 35.75; School Education - nuai 25.03; Higher & Technical Education - nuai 340.79; Sports - nuai 5.35; Art & Culture - nuai 37.98; Health - nuai 46.57.

PHE - nuai 7,000; I&PR - nuai 10.44; Labour - nuai 84.22; Social Welfare - nuai 95.69; Agriculture - nuai 46.48; Horticulture - nuai 48.36; Soil - nuai 3.53; Vety - nuai 185.24; Fisheries - nuai 133.45; Forest - nuai 550; Co-operation - nuai 121; Rural Development - nuai 41.80; Power & Electricity - nuai 58,700; Industries - nuai 1,338.02; Sericulture - nuai 66.24; Tourism - nuai 350; PWD - nuai 629.94; UD&PA - nuai 82.75; Irrigation - nuai 3.93.

Vigilance te, Excise & Narcotics te, Taxation te, Parliamentary Affairs te, Disaster Management and Rehabilitation te, Transport te, Information & Communication Tech­no­logy leh commer­cial undertaking (ZIDCO, MIFCO etc) in thawh­chhuah an nei miah dawn lo a. District Council & Minority Affairs (LADC, MADC leh CADC) thawh­chhuah tur tarlan a ni lo bawk.

Non tax receipt-a sum hmuh tura chhut zinga mi civil services aṭanga nuai 0.13 leh interest receipt, dividends and profits aṭang nuai 5,859.69 te hi khawi department-a lut tur nge tarlan chian a ni lo.

Heng department hrang hranga pawisa lut tur hi in enchik peih chuan mak tak tak a tam mai. Budget document zing ami Receipt Budget kha lo belchiang ve teh u. Mipui hian thil hria i la, kan hriatna hmangin sorkar hi i khalh ngil ang u.

- Vanlalruata