Mizote leh Scholarship

India rama hnam tenau kan nih avangin Mizorama zirlaite (minority) tan hian sorkar laipui chuan zirlai pawl khat aṭanga pawl 10 thleng tan scholarship dil theihna remchang min siam sak a. Online a dil mai theih a ni a, a awlsam thei ang berin a diltu school naupang bank account ah an rawn thun mai ṭhin.

Scholarship hi mi nazawng tak dil theih a ni lo a, Mizo Tribal, hnam tenau ka ni tih vang ngawta dil theih a ni lo. A dil thei chin chu - kum khat chhunga chhungkaw khatin cheng nuai khat aia tam lo an lak luh chauhin an dil theih a ni. Cheng nuai khat aia tam lalut theite tan scholarship hi dil theih a ni lo.

Scholarship hi a dil thei awm chinte chauhin dil tur a ni a, a dil thei awm nih hi sum lalut tlem tihna a ni a, chuvangin a dil ve thei lo, kum khat sum lakluh cheng nuai khat aia tam chinte chuan dil ve loh tur a ni. Hetianga mi harsa zawkte scholarship tur mi neinung zawkten an lo dil ve zel hian dawt hmang sum lakluhna pawisa lo a, hlephle taka sum lak luh an hreh loh tihna a ni.

Chuvangin, a dil thei awm chinte chauhin scholarship hi dil tur a ni.

Computer thiam tih vang ngawtin dil thiam vek loh ve theih a ni a, a dil thiam lo chuan common service centre ah dil dan kimchang zawh mai tur a ni a, a thiam lo chuan a thiamte tih tir mai tur a ni.

Scholarship dil theih hi ngaihven peih tan chuan a awm nual mai - tribal scholarship leh merit scholarship te pawh dîl theih a ni a, a dil thei chin chauhin hengte hi dil tur a ni.

Kristian ram kan ni kan ti reng chunga BPL ni lo tur BLP a awm tlat duh ang chi te hi Pathian duh loh zawng a ni. Income dik lo ziak a, dil hi sim ila, a dil thei chin, sum la lut tlemte chauhin dil tur a ni.

Tin, scho dil thei loten kan lo dil ve hian a dil thei leh hmuh phu ngawih ngawih khawpa zirlai harsaten an dawn loh phah fo thei tih hria ila.

Mizoram State in quota te pawh kan nei ve ṭhin a, mahni ta lo tura lo chuhhelh lutuk ta ṭhin hi corruption a nih avangin Pathian nung biate chuan tih loh tawp tur a ni.

- Nunoi Pu, Aizawl North