Kuhva rah tawlhruk phenah tunge awm?

Tunlaia Mizo­rama kan buaipui em em, Vanglaini lamin Editorial lama in rawn ziah lan in zawhna zawh, 'Kuhva rah tawlhruk phenah tunge awm?' tih kha a chhanna hi mimal hminga sawi tur keini ang ak zat hnih hnuai lam chuan hre ve mah su ila a chhanna chiang tak chu 'Mi thiltithei tak takte an awm' tih hi ka kutphah tlukin ka chiang a ni.

Zampuimanga Group YMA hruai­tute hi ka lainat lutuk a, an hun hman dan hi heti hian ka han khai­khawm ve teh ang.

Khawtlang hruaitu kan ram tana thil ṭha duhtute chuan Bairabi-a Godown pakhatah kuhva rah tawlh ruk ni ngeia an hriat chu an man a, hei hi February 23, 2022 niin chanchinbu lam chuan an ziak. Tih dan tur dang awm hek lo Police hnena FIR thehluh chu tih dan awm chhun a ni. Bairabi Police te chuan an en fiah ta a, an va hmu ngei a ni.

Bairabi SDC hnenah FIR chu an thehlut taa YMA lam hian, ani hian Kolasib DC a hriattir chhawng leh a, hei hi April 14 (February 23 leh April 13 inkar khan eng thil nge thleng unaute u?) khan Kolasin DC lam chuan an kut a nih loh thu hrilhin Bairabi Police Station hnenah dan anga hma la turin an hrilh ve leh a nih chu. A va han muang lulai ve le.

Chuti chuan maw unaute u, kuhva rah tawlhtute chuan Way Bill pekna April 12& 13 date inziak kalh mai an lo nei hman tawh. A chhuitu tur lam hian kuhva neituten Way Bill an neih kher kher hi nghak an awm em ni le?

Heti mai mai hian em ni kan ram hi a kal dawn le, Zampuimanga Group YMA te tan hian sawi tur a tam viau loh chuan sawi tur pawh an nei lo hial ta ve ang. Tunge a phenah hian awm?

- PC Lalrammawia