Hnam dang pasal neih!

Central YMA hian hnamdang nupui pasala neih a duh loh thu te hial a chhuah tawh a, hetiang a nih chuan hnam dang lakah Mizote kan him lo tih a lang reng mai.

Hman kum khan Aizawl khawpui ngeiah vaipa leh Mizo nu hi inpawm chungin scooty an lo khalh a, traffic police in a lo hau, mahse a hnu zelah an duh anga awm turin zalenna an nei tho a ni. I hnam chhan rawh, khawvelin a dem lo ang che ti pawl te pawh an awm a, mahse hnam chhan­na ṭha ber hi eng nge ni ang tih kan inzawh erawh a ngai.

Mizo Hmei­chhia,"Mizo mipa pasal tlak an awm lo" ti fo thinte hi Mizo tlangval fel tak nupui tlak, veng khat nula fel an vang khawp tia sawi duhtu an awm ve leh tlat mai a, mahni hnampuitena an neih duh loh nih hi kan in en letna tur a ni e.

Hmel leh pian phunga rualban loh vanga vanduaina hi chu kan sawi theih a ni lo e, amah­erawh­chu, nun uluk loh vanga mahni hnampuitena an neih duh loh nih hi chu thil pawi tak a ni.

Mizo ngei pasal neih dawna duhtui leh si, Mizo tlangval felin an iai tawh si te hi an awm a, an phu tawk Mizo tlangval iai ve khanglang si ho hian Vai/ hnamdang bak pasal tur hmu tawh lo te pawh a awm theih a ni.

Chutiang chiah chuan Mizo mipa lam pawh kan ni tho - Mizo hmeichhiatena an neih tlak/ ngam loh hi kan tam ve khawp mai.

Thil dang leh chu Mizo ngeiin an neih duh si loh, Mizo hmeichhiate hi hnam dangin an hmangaih a nih chuan nei sela. Mahse, Mizo society-ah beisei nei lo ngam ve thung sela, social media velah an chauhthubarawh Mizo, tlangval tlin­lohna hi sawi ve fo lo bawk rawh se. Hnam dang an neih ngam ro ro chuan an pasal te hnamah in tulut se, an fate tan pawh Mizo quota awm thei angte beisei lo ngam rawh se.

Hnam dang kan tih hi Vai chauh a ni lo, sap pawh hnam dang tho an ni e. Hnam thilah chuan a ho mai mai tih ngawt zel hi thil dik ber a ni lo; thik thu tihchhiat a hun viau e. Chumi atana mipate tih tur thil pawimawh tak chu hmeichhia chawm loh chhungkua kan din theih a ngai.

Mizo i ni a, vai ramah vai hmeichhia han chhaih ngawt teh, vai mipaho chu an ri ṭhak mai ang. Mizo hmeichhiate pawh kan fimkhur a ngai, mi hmuh loh chuan lo khawsa pawh nise, Mizo hnam leh khaw eng tal pawh an zah ve deuh tur a ni.

Hnam dang mipate kan Mizo hmeichhiate laka an huangtau tur pawh mipate hian kan ti tim ve thei a nia. Kan hmeichhiate chungah thiktu kan ti chhia thiam ve deuh a ngai.

MHIP pawh hian pawla nihna ringawt puaipui loin hnam thilah chuan an hmeichhe puite hnam dang laka an khawsa danah rilru seng ve se, a theih­na zawn a tam a, chungah chuan khuah­khirh ve deuh se. Mizo hmeichhiate hum­halh kawngah hian a hmei a paa kan ṭhanharh a hun e.

- Vohbika pa