Ke-a kalte in pelh dan hi
Nikum December 17 Vanglaini chanchinbu chhuakah khan Pu H. Lalthanzama khan kea kalte tan kaihhruaina tawite a han ziah kha ka lo hmu a, ka va lawm tak em!
Mizo mipuite tan khawpui tual len dan kal dan ziak hi ka hmuh vawikhatna a la ni hial a, chanchinbua thu a nep nawi han thai vel hi kan taimak tehreng nen Mizo mipuite khawpui tual len dan thiam reng reng lo hi a veiawm viau reng a ni. Kei a pek hi ka mangan em emna pawh sawi loin ka lo awm reng tih ka hre ta e. Nikum 17 December-ah ka vei anpui Pu H. Lalthanzama’n a ziah ka hmuhin ka harh ve ta chauh a nih hi!
Kan North Eastern khawpui, Imphal, Shillong, Gauwahati, Silchar leh Kolkata khawpui thlengin tual ka lo chai ve tawh ṭhin a. Aizawl khawpui tluka tualchai hrehawmna khawpui hi ka la tawng ngai lo zu nia! Tualchai nuam tihna ber chu Imphal khawpui zu nia maw le!
Hman laia kan rual uten min zirtir ṭhin kha bulṭan nan hmang leh ta ila. ‘Keep to the left’ tih kha. Mi kan pel tam emaw tam lo emaw vei lamah zel pel char char ila a sual thei lo ber.
Hei an tih ṭhan chinah chuan motor khalhte reng reng pawh insu chut chut an awm ngai ta lo e.
- KV Lalhlimpuia, Tuikual North