Kum 2018 kan hawi tak meuh em?

Tunlai hian chanchinbu thuziak leh facebook vela politics lam ngaihven deuhte thuziak ka chhiar hian, kum 2018-a MLA inthlan lam hawi chhiar tur a awm ta fo mai. Heng thuziak hi han en chiang ila, mipuite hi kum 2018-a inthlan lo awm tur lam thlir fur tawh angin a inziak deuh vek a, hei chuan ka pawm pui hauh lo.

Politics ngaihven leh politics lipuia lut tawh chin hi chuan thil hi an hmu fuh thiam tak tak tawh lova, anni hian engkim hi inthlan nen an thlir zawm avangin mipui pawhin kum 2018-a inthlan lo awm tur hi thlir angin an ngai a, Mizoram mipui hi inzawt chhuakta dap ila kum 2018-ah kan inthlang dawn tih la hre reng reng lo hi tlin pui tham an a awm ka ring a ni. Ka sawi tum chu tuna kum 2018 inthlan ngaihvena phi ruaiho hi chu politi­cian chin hi an ni mai.

Kum 2018 hi a lo thleng a ang a, inthlan hma kar thlengin vote tur hre mumal lo kan inpel leh sup sup ang a, neutral kan tih tak takte hi chuan tunah hian inthlan lam hi an la hawi lova, political party tlin duhte hian an sawi uar mai mai niin ka hria.

- Lalmawizuala