I lu a phut e lo?

A ram lam thuah chuan Gospel hla sak hi piantharna emaw tihna ram, thlemna leh fiahna awm lo va Isua hnungzuitu ṭha nih theihna ram, Pathian Thu sawi hlawk >m >mna ram a ni. Tawrhna tel miah lova ringtu ṭha nih theihna ram a nihna te hi kan ram nawm em emna chhan pawimawh ber a ni hial awm e. Ch<ng zinga rawngbawltu han nih leh phei hi chu a nuam khawp mai. “Pastor... chumi... khamia ka nia" han tih hi chuan hna a kal riauvin a hriat theih! Mizorama awma rawngbawltu nih bawk hi chu 'Vanram' pa t> a ni ngawt e. Chu ai mahin a nuam ta ve ang, vanramah chuan sual a lang fiah dawn si a. Puanvar pawh lo sin ta tehreng ila a 'fai' kher tur an ti a ni awm e, inneihna ruai kil tur pawhin lo ṭhu fel vek tawh mah ila 'inneihna puan sin' a ngai an la ti lehzel dawn a ni awm asin!

He ram nuam taka chengte zia leh r^ng ṭhenkhat hi ka phak tawk tawk hian ka chh<t ve neuh neuh ṭhin a.

Sapho te hian han inhmuh phat hian, 'E khai eng nge i an le? I dam em? I nalh lutuk, i hmel ṭha lutuk, i duhawm lutuk,’ te hi an ti chul mai ṭhin a. You are so…cute, wonderful, amazing, beautiful, gorgeous.. te hi an ti chul mai ṭhin a. Vaiho kan han tihte pawh hian han inhmuh phata inhmachhawnna thu mawihnai tak tak an nei hlawm. Aap bohut achha dekhte hain..bohut sundar lagrahae hain... jiite raho tih leh a dang tam tak!

Mizote hian ṭhian ṭha a ni emaw, hmelhriat ṭha an ni emaw, hriat lem loh an ni emaw, han inhmuh phata inbiangbiakna thu mawihnai kan tlachham hle thung. E heu..va nalh deuh ve..va lei tam awm ve. I va ch>r >m >m... Awi engtizia nge i damna nge... i va han dawld^ng ve… tih te a ni nawk mai. Cancer-ho titiah chuan, “Khawlaiah han chhuak ila, mitmenga kan ṭhat ring lo tih hriat tak hian i tha em min han ti a, ṭha e han ti mahila i ṭha tak tak maw min han ti leh zel a. Mahni pawh hi kan inringhlel zual zo vek zel mai,” tiin an sawi ṭhin an ti.

Shillonga kan awm ve laiin, St. Anthonys School, Laitumkhrah-ah ka fate thlahin, zing dar 7:30 a thleng hman ngei tur hian kan inkai dem dem tuktin a. Kea kal ṭhin kan nih avangin Lawjinriew aṭanga Motinagar kal pelin St. Edmunds compound kaltlangin kan kal ṭhin a. An father pakhat hi zing tin mai hian kan tawk ziah a. Ani khan min lo wish a min lo fak luam ṭhin a. Keimah mai ni lovin ka fapate pahnih K.G. I & II lek te kha hlim hmel em em hian a wish hram hram ṭhin. Ani chauh lo pawh hnam dangho, Khasi takngialte pawh hian han inhmuh phat chibai inbukna ṭawngkam mawi inhlan leh hlim hmel inhmuh hi an uar em em mai. 'I dam em? I va hmel ṭha ve, hmuh i va nuam em! etc etc. min han tih chuan mahniah hian inrintawkna hi a pung ve sawta, thinlunga chauh rukna te, chhungrila phurrit awm te pawh a zia huai thei ṭhin.

Mizote hian lampui chang khat ṭawng­kam ṭha kan tlachham hle. Nuho han intawk phei hi chuan, 'Awi i va'n cher em em' an tih loh leh 'i va han thau em em' te hi an inti tlangpui a. Damlohna nei mek leh rilru hahna lo nei ru reng tan phei chuan, in thlena tl<kpui hnawk tham hian kan inti fo ^wm a sin! Kan mi tawha kha natna hlauhawm takin a tlakbuak mek nia inhria, inentir haw lam, result nghak mek, “ I lo CA ve a nih hi” tih emaw, “I lo positive vet lat mai,” tih hlau ngawih ngawih a nih leh nihloh lam kan ngaihtuah lo. Chuti ang dinhmuna ding mek te’n, “I va han chhe em em, i va han ch>r >m >m…tih thute an han dawn hi chuan an tan tlukpui hnawk tham thu d>ngkh^wng a ni thei. Mi Office kal lam “I va tlai ve' tih leh an haw lam “I va b^ng hma ve,” han tih deuh ngei hi nuam kan ti deuh tlat niin a lang. Mi ṭan hun leh ban hun pawh hre hawt lo hian kan rin judge tawp mai zel a. “Awi I sam a va ṭuak nasa >m >m ve,” tih paha a damdawi lo inchawha rin thu thua lo inhrilh mawlh mawlh hi kan tam mai. A dik lo zawnga midangte hmachhawn (negative approach) hi kan thil ch$n ṭha lo p^wl tak a ni ngei ang. Bazar kal haw te hi, 'Awi i va han lei na sa awm ve,' kan tih loh leh, 'eng eng nge in lei a,' (In hausak hmel e, in hlepru a ni ang tih ṭawngkam, ri si lo fiah taka hriat theih si) han tih mai te hi kan ching hlein a lang.

Rawngbawltute pawh hi kan han thau ve deuh va, ' i va thau tawh ve' min tihna aw ki ṭhenkhat hi chuan thu dang a sawi tel tlat hian ka hre ṭhin. Kawng laka intawh nikhuaa hman tur ṭawngkam ṭha kan mamawh hlein ka hria. I dam em? I va han hmelṭha ve! I hmel hmuh a va han nuam em! tih te leh midangte tiphur leh tihlim thei tur lam ṭawngkam mawi inhlan hi kan zir a ṭul khawp mai.

Vawi khat pawh Saihaah rawngbawlna thilah ka va kal a, ka ṭhianpa duhtak Rev. Lalbiakṭhuama nen kan han inchibai a, kan inchibai pahin thu dang pawh kan la sawi hman lo, ka coat dara ka lu phut rawn beng fai thurh thurh pah hian "Pu Hlun i lu a phut e lo" min lo ti a. Khami ṭum pawh khan ka ṭhianpa khan, a hma Chawlhnia District Mission Conference, Lawngtlaia Pathian Thlarauthianghlim thawhpuia ka sermon ṭhatzia kha min hrilh se ka lawm zawk ang!

- Rev. Jh. Za Hluna