Tuialhthei leh YMA leh sawrkar

Chawlhnia chhuak ZALEN chanchinbuah Manipura kan unaute harsatna phuhruk tur Central YMA General Secretary Tv. Lalhmachhuana lehkha nen oil thawn a nih thu a lo lang a. Oil lam te hi chu sawrkar emaw IOC lam kut turah ka lo ngai deuh a.

YMA-te chu NGO an ni a, state dangah te hial YMA lehkha nena oil kan thawn chu ka ti. NGO pawh hi anmahni azir hian an pawimawh a nih dawn hi a, te ka ti a. Manipura mahni motor-a oil han dahtu Pu Thangkima ka be ta a, a ni chuan, “Kawng tluanin Police leh ZRA-ten YMA lehkha kan hmuhtir chuan kan tlang zar zar mai a, ni danga khawntesep ang kha tumahnin an la lo. Amaherawhchu, Tuivai pelh Singzawl ramah kawng a min hek a, cheng tam tak sengin hlawhfa kan la a, thing lian tak tak kan dawh a, kan unaute harsatna phuhruk tur chuan tiin mahni insen pawh huamin kan thawk a, chhun zan zawmin kan tlan” a ti a.

Tin, Churachandpur District Council Chairman leh YMA hruatuten min lo dawngsawng a, Chairman Office-ah a sem dan tur relin gate chhungah motor kan dah a. Hung pawnah mipui oil la tur an intlar put mai a, YMA hruaitu ho lah liter no nen an in hum a, lawm leh phur takin an che suau suau mai a, lawm avangin an mittui a tla lo chauh a, Oil harsat luat avanga chan loh hlauh avangin hming lam pawh ngaichang hlei thei lovin gate te pawh an nek chhe nual a ni awm e.

Tun ṭum thil hian hmun danga kan zo hnahthlak te nena kan in unauna a tihngheh belh bakah, Manipura kan unaute rilru inmil lo deuh te pawh a tih ziaawm sawt hmel bawk a, a lawmawm hle. Hriat theih chinah Oil hi phur li (4) thawn a ni tawh a, phur li bawk thawn leh tum niin Central YMA Secretary hian a sawi nia hriat a ni.

Tin, Manipur hi thla thum vel hmun dang aṭanga motor a luh theih loh pawhin ei leh barah an la buai lo niin an sawi a, an awhawm hle a ni.

- Khualluna