Pulpit thianghlimah chuan Pathian thu sawi mai a ṭha

Mizorama Koh­hran lian ber Pres­byterian Kohhran ṭhalai inkhawmpui thawm thangva han hriat hian kan Pulpit thianghlim hi Kraws thuchah sawina ni lova politics rimnam sawinaah kan chhuah zo taa chha chu a ni a, hei hi a ṭhat leh ṭhat loh kan sawi ve phak awm mah suh se khuareiah he Kristian ram hi kan inchhir hlauhna lian takin min zem ve a ni.

Politics hi he khawvela kan inrel­bawlna atana pawi­mawh a nih lai hian kan vanram panna kawngah chuan chuti taka pawi­mawh a ni lem lo.

He thila inhnial inhnial lam aiin Kraws thuchah ngaihthlak leh sawi chhuahna atana hmun pawimawh ber pawlah khan kha aia nasa khan uar takin Kraws thu kha tlangaupui ta se politcs siam ṭhat tum hi zawng sawi nat poh leh kan siam ṭhat duhte an rawn er let nasa ting chu a nih phawt mai hi maw?

Tunah hian thusawi avanga politics lama insiam ṭhat aiin a sawitu pawh eng a nih bik loh thute kan sawi tawh avang hian tlawmna nena Kraws chanchin ni lo hi chuan mi a siam ṭha lo chauh ni lovin a ti hel ting mai tih pawh kan ringhlel ta love.

Thusawi na tak mai, sai ngal deng tliak pawp tham kan sawi pawhin politics lam a nih chuan a dawngtu lama a thawh dan kha insiam ṭhat lam hawi ni lovin hel rilru pu a ni zawk tlat ṭhin.

Chuvangin Pulpit thianghlim lamah hi chuan Pathian thu pangngai hi sawi ta zel mai ila, kan ram siam ṭhat kan tum pawhin inzirtir lam aiin ṭawngṭaina nen hian bei ta ila. Kan siam ṭhat duhte pawh kan siam ṭhat hnaih zawk rinna lian tak he thusawi boruaka inhnialna hian min pe ve ta zawk a ni.

- Lalthanliana