Changkanna leh hmasawnna

Hmanah chuan Mizote khawpui leh hmun tinah, chhung­kua-ah te pawh chaw kan eiin thleng khat hi mi 4/5 ten kan kil a, ruai ṭhehah phei chuan Thlangra hnah phahah kan ei ṭhin.

Hun a lo kal zel a, thleng hrang hrang­in kan ei leh a. Chaw­hmeh leh ei fian hran ṭheuh hmangin kan suak luai luai a, tichuan, tunah chuan chaw thleng hrangin chawhmeh sa, antui hrang hrang etc bowl lian deuhin kan suak a. Fian pakhat emaw kan dah a, mahni chawthlenga mi chu kan ei a, chawhmeh leh antui vel chu mahni bowl-in ei khawp te tein kan suak mai a. Kan zin kawng hotel-ah chuan mahni thlengin chaw kan ei a, sa leh chawhmeh erawh plate (bowl) hranin min pe a, sa kan lam belh chuan a man hran kan pe a, bai leh chaw chuan man hran a nei lo, kan duh zat zat kan lak belh mai a ni.

Kan changkang tawh a, zin kawng hotel-ah chaw kan ei a, dawhkan-ah a leng tawkin kan kil a. Chawhmeh leh sa, bai, antui hang bowl lian deuhah an rawn suak luau mai a, mahni chaw ei fian ṭheuhin kan suak luai luai a, chaw erawh thleng hran kan hmang hram a ni.

Kan sawi duh tak chu mahni inah leh zin kawng hotel-a chaw ei-ah kan changkan dan a inang lo tlat mai. Hmasawn ṭheuh ṭheuh, changkang ṭheuh ṭheuh, mahnia sa bowl hrana lam nalh chu mi induh, mi ti kher kher, mi dang tenah kan puh deuh ta mai emaw ni?

A khawi ber hi nge changkanna leh hma­sawnna ṭha chu, han ngaihtuah ve teh u.

- T. Thangkhuma, Venghlui