POWER-A KAN DINHMUN A LUNGCHHIATTHLAK

Power & Electricity pawi­mawhna hi kan hre ṭheuh awm e. Chanchinbu lama sorkhar leh mipui han bengvar chhuah duh erawh kan tlem hle.

Kum tin hian vawihnih khat tal chu ka han ziak ve ṭhin a. A chhan chu chhungtin mamawh leh a loa kan awm theih loh a nih vang a ni. Tin, sorkhar hotute nawr kal nan ṭul ka ti bawk.

UT kan nih aṭangin Ministry kan nṭha sawi nan chuan a sitawm lu deuh ve. Mahse, kan ṭhi behte sawi thiam tawk a ni miau si.

Nikum lawk khan C.M.-in 2017-ah Tuirial hawn theih turin a sawi a. Hei pawh hi MoU an signed dan chuan 60 MW-ah 12%, 7 MW chauh kan chan tur a ni dawn a, a dang chu lei tur bawk a ni. Kum 10 chhung hian tunge maw Power changtu Minister ni reng reng le?

Kum 7 zet kal ta-ah khan lui 9-ah Hydro Electric Power siamchhuah nan tuna Congress sorkhar lai hian MoU sign tawh a ni a. A vai hian hlawhtling se 2411 MW pechhuak thei tur a ni. Mahse heng MoU-ah te hian pakhatmah hnathawh a awm lova, a teuh ber chu Tuirini 38 MW pe chhuak thei tur a ni a, chu pawh chu Project cost update mek tih chauh a ni. Tuivai-ah NEEPCO-in Project cost a update mek chauh a ni. Heng lui 9-a MoU signed hi company te nena MoU signed behbawma hnung thak in hiah tawnna leh mipui bum nana power-ah hma kan la nasa tih nan maia ziak a ang hle.

Kum 5 - 10 lo kal leh tur thleng hian power lama kan hmabak hi a ko hle a, a lung­chhiat­thlak takmeuh a ni. Kum 2018-a Sorkar siam tum party hruaitu tan chuan power-a intodelh tak tak duh kawng ṭha siam duh high level-a corruption tihreh duh mi kan neih a ngai ta a ni ber mai. Chutiang tur chuan mipuite pawhin kan hotute i beisei ang u.

- Rualkhuma Hmar