Minister ṭheuh ṭheuh

Tunlai thu­thang National Institute of Advanced Stu­dies (NIAS) leh a kaihhnawih chung­changa mawh­­phur­tua ngaih MLA Pu T. Sang­kunga leh Minister Pu C. Lalrinmawia ten puh an nihna te dik taka chhui a nih a, thu dik hailan a nih theih nana an nihna aṭanga an bang ngam hi an fakawm hle a ni.

Nikum 4th No­vember, 2016, Shillong Times-ah khan Patricia Mukhim, Meghalaya Journalist lar tak chuan kan cabinet minister zahawm tak Pu Lalthanzara, kan Chief Minister nau ni bawk pawh dik lo taka company-ah share nei anga puh a nihna te dik taka chhuia thu dik a lan chhuah theih nana a bang ngam kha a ngaihsan awmzia a rawn tarlang tawh a ni.

Kan ṭhenawm Meghalaya state-ah ngei corruption a tamzia leh NGO hrang hrang hruaituho pawhin an ngaimawha an au chhuahpui chung pawhin an sorkar hruaitute erawh chu an inhnukdawk ve ngam lo.

Tun hnai mai­ah pawh khan Meghalaya a MLA pakhatin pawngsual thubuai neiin, an Home minister nilai ngei hotel-a thil thleng leh nghal a ni.

Hemi chung­changah hian NGO hrang hrang hruaituten dik taka chhui (fair investigation) a nih theih nana bang tura Home minister hi an nawr nasa hle chung pawhin a inhnukdawk duh chuang lo a ni.

Chuvangin, state danga hetiang thil a thlen ve mek laia keini Mizoram state hruaituten fair investigation neih a nih theih nana an nihna bansana an inhnukdawk ngam hi an fakawmin an chhuanawm hle a ni.

- RD Mawii