THUI TAK NGAIHTUAH CHUNGA HMALAK A TUL

Ram inrelbawl­naah Sakhua (Kohhran), NGO leh Hel ten thil an tih theih lutuk chuan ram inrelbawlna ṭha, mipuite thlamuanna hmun a awm harsa (Khawvel history-in a sawi chiang).

Mi lian leh thil ti theiten nuam an tawl a, retheite an chep ṭhin. Dan chunga leng an tam a, Dan aiin pawisa a thu ṭhin - ram intodelh lo zia a ni.

Tuna CS chung chang hmalakna pawh hi a pawiin Mizo Hnam tan pawh zahthlak tak niin ka hria. Amah lamah a ṭhatlohna leh Mizo Hnam tana pawi a khawihna sawi tur a awm thu lah engmah sawi awm si lo te hian NGO coordination hmalakna tur hi ngaihtuah a ti thui.

Mizoram Gover­nor Pu Kummanam Rajashekharan lokal dawn khan BJP a nih vang leh Hindu Sakhua nghet taka vuantu a nih vang ni ber a ni ang chu kan lo do hle tawh a, a pawi hle - mi ṭha tak a lo ni si.

Kan ram hi kan tu leh fate chenna tlak lovah kan siam ang tih a hlauhawm ṭhin.

A chang chuan sorkar fawng vuan­tute pawh hi an khaw­ngaihthlak ṭhin hian ka hria. An idea leh ṭha tih pawh ti ngam lo dinhmunah hian an awm chiang lutuk ṭhin, thil hrang hrangah. Inthlang ram kan nih angin tling duha chet tum an ni lo thei lo a, mithiam leh idea nei ṭha tak tak MLA te pawn pawl hmaizah vangin thil ṭha an ti lo fova, pawl hawi zawng khan hma an la ta ṭhin a ni.

Sakhuana leh Hnam issue ang zawnga thil kan kal pui Mizo Hnam tana ṭha si lovah te pawh hian Sakhua hruaitute leh NGO hruaitute hnial hi thil harsa tak a lo ni bawk si a.

A nihna takah chuan kan Mizia leh kan thiamnain a phak miah loh chanvo engtin tin emaw neih vanga thuneihna nei sang lutuk ta lutuk hi a pawi ṭhin.

Inkharkhip lai khan harh ropui khan kan harh khan a hriat a. Hnam dang leh sakhaw dang kan en dante, Kohhran leh pawl kal dante pawh siam ṭhat ngai tam tak a awm thu leh kan chin dan ṭul em em lo tam tak pawh kan hre nasa. Mahse hei boruak an zia leh tak hnu hian a hma aiin kan che nasa leh ṭan a ang riau mai, insiam ṭhat lam chu kan hlat hle niin alang. A pawi ngawt mai.

Mizoram chiah hi ram kan nei a, hmathlir thui tak nena ke pen hi a va ṭul ṭhin em.

- K.Lalrinawma Jms, Lunglei Chanmari