Ration khul sak versus Electric Bill Discount
Kum khat vel zet liam taah khan "Ration khul sak versus Electric Bill Discount" tih thu kha Lalmalsawma (Sawmtea) khan a rawn ziak a. Ration man tlawm zawk langsar taka a thlawna inkhulhsak te te hnua electric bill hmanga mipui phurrit siam sak leh si a hriatthiam loh thu a sawina kha a takin min han den meuh chuan thil vei tur pawimawh tak a lo ni reng a ni.
"Tui Bill hi chuan mi zawng zawng a nghawng chiah lova, a chhan chu tui bill chawi lo chhung an awm a, tui khawlna nei ṭha te, tuikhur bula chengte pawh an awm bakah tui bill hi chu a pawisa hrawm a na vak lo a ni.
Electric Bill erawh chu chhungkua zawng zawngin an chawi a, mahni in luahnaa Metre Box nei lo te pawhin a in luah manah Electric Bill ang hu hi an cut tho avangin chhungkaw tinin Electric Bill an pe ti ila kan sawi sual tam pui lovang.
Mizoram sorkar hian ni 100 chuang hnathawk thei lote a khawngaih tak tak chuan veng tinah sorkar hnathawk ve lo, sumdawng lian ni lo chin hi Electric Bill discount sak ve se a ṭha ang," tih kha 100% in ka thlawp thar leh a ni.
Tunah hian Electric Bill chu a man sanna ang chuan an han khawn ta sap sap a, kan bill avang hian kan ṭhen kan ṭhen ta ṭheuh mai chu a nih hi.
Electric tel lovin kan awm thei lova, kan khawsakna tinrengah hian electric tel lovin engmah kan ti thei tawh lova, keini tan chuan electric bill tihhniam leh hi kan thupui ber a ni.
Sorkar hian electric bill zawk hi min han free thei se chu khawvel hi a danglam tur a nia, thil man tlawm te te an free a, a man sang an fre leh si lo. Khawpui mi hausate motor dahna tur mai mai PAHOSS lama pawisa dah thur thur hi electric bill min peksakin electric hman man hi tihniam leh zawk se. Stadium leh phullem lamah pawisa a nei tho bawka electric bill pawh hi mipui min hmangaih tak tak chuan an tihniam thei tur a ni.
Electric bill thar nen hi chuan thingtlang lama sorkar hnathawk ve lo leh sumdawng ve lote tan chuan khaw hawi a tawi turh a ni.
- Lalkailiana