SETANA PAWHIN EM EMA A TI NGEI ANG

Kamrula Chhangte Class I contractor-a kan pu berina a’n dah leh ngat hi chu dan leh tihphung pangngai mit aṭanga thlir chuan bawhchhiatna nasa, Sapten, “Daylight Robbery” an tih ang hi a ni. Setana pawhin, “Em ema a ti ngei ang.

Engvanga hetianga tilui hram hi nge a nih ang le?

1. Mizote hi lei theih vek kan ni tih hi an tawnhriat aṭanga an hmuh a ni ang a. Inthlan leh hunah midang zawngte aia lei huai thei nih chu tihmâkmawha ngaiin chutiang atana a tam thei ang ber pawisa siam nan chuan Kamrula tluk an awm lo ni-a an hriat vang em ni ang?

2. Eng anga bawlhhlawh pawh ni se, RESTRICTED TENDER hi awmze neia sawisel ngam an awm si lo va. Chawm bawk, Hâwp bawk, Bâr baw bawk, Pal baw bawka nen hian mi ngaihsan kan hlawhna ber a ni zâwk bawk si a; Tihphung nghetah kan neih zel dawn an ti a ni ber tawh mai lo’m ni?

3. An thlauhthlâk vaih chuan a rawn vuaklet theihna tur an ngai ngam lo bawk em ni ang?

4. ‘Pathian leh kan ram tan’ tih aiah, ‘Ram Krishna leh Kamrula tan’ an ti tawh zawk dawn em ni ang?

- M Lalmanzuala