Sorkar hnathawkin DA

Sorkar hna­thawkin DA pung an phut hi kan duh emaw duh lo emaw an dikna chanvo a nih avangin tihhlawhtlin ngei hi sorkar mawhphurhna a ni a. DA pung hi a pe dawn lo anih chuan Central Pay hmang lova State Pay hran a siam a, chumi chu sorkar hnathawkte (an pawm emaw pawm lo emaw chung pawha) a hman (luih) tir a ngai a ni. Chu chu sorkar ṭha awm dan tur sawi apianga sapṭawnga 'rule of law' tia an sawi ṭhin hi a ni.

Prof. Amartya Sen chuan inthuruala miin an nawr avanga an dikna chanvo an hmuh theih leh hmuh ṭhin thu a ziak a. Hemi kawngah hian Mizoramah chuan sorkar hnathawk te an fingin an thiam ber a. Mipui pawhin kan zir ve a ngai a ni.

NREGA/S hnuaia kum khata ni 100 aia tlem lo inhlawhna kan hmuh theih te hi mipui hian nawr ve a hun em? Kawngpui siamna leh siamṭhatna tur sum kan hman hian a siam dan tur ruahman thlap niin chu ruahmanna ang thlapa siam leh mipui hman theiha a awm chu mipui dikna chanvo a ni a, kan nawr ve dawn em?...

Sawi duah ngai lovin kan fiah ka ring. Mipui hian kan thil hria ila, kan dikna chanvo hria i la, hma i la ang u.

- Vanlalruata