Kuthnathawktute ngaihtuah a hun

Nikum lam khan thlai thar rate kha siam a awm niin ka lo hria a. Khata mi ang kha chuan a leitu lam tan a tlawm em em a, a taka thawktu kuthnathawktu lam tan erawh a na chhunzawm zel a ni.

Sorkar hian kuthnathawktute thawh rah riral tam tak awm ṭhin hi engtin emaw tak tibo dan ngaihtuah chhuak thiam tawh se ka ti hle bawk a ni.

Kharchhawng leh consumer te lam aṭang chuan a tlawm thei ang bera an lei theihna baka hlu a awm chuang lo. Mahse kuthnathawktute tawrhna tam ber an thil thar chhuah hralhna a awm lo fo mai hi kan tih tawp a ngai tawh khawp mai.

Tun dinhmunah chuan thlingtlang lonei mite dinhmun hi a chhe hle a ni. Sorkar aṭanga puihna an dawn ve chang pawhin a thlai chi ang zawng te in a ni a, hetiang hian market ah eng mah a pui lo a, an buaina ngaiah a hralhna lamah bawk kum tin an buai ta fo mai.

Hetiang thil holam lutuk tak, awlsam te a chinfel mai theih hi, mi fing filawr leh zirsang lutuk nih pawh ngai lo thilah mai mai pawh hian sorkar hi a fail tho mai zel a. Hei hian a entir chu kan sorkar hian kuthnathawktute hma khua a ngai miah lo a, an tan hun leh sum a seng duh lo tih a chiang viau.

- Vohbika Pu