HAWAI JAHAZ FOR HAWAI CHAPPALS

Swahch Bharat a ti, Bheti Bachao Bheti Padhao a ti, hei pui mi­retheite thlawhnaa kan zin ve theih dan tur ruahmanna thar UDAN (Ude Desh Ka Am Nagrik) scheme a ti leh tawh. Ude Desh ka Am Nagrik (UDAN), “Nangni ka ram chhunga thawkrim leh phurrit phurte u Van­sangah thlawkin han leng ve teh u le” min ti ta tlat mai le! A va mawi em, “In thawk rim rei tawh em a, he ram hian in thlantui far avangin ei tur a hmu hi kan va lawm em! Heti ringawt tur hi a ni bik lo, a fair lo em mai, thawhrim chauh hi in chan kumkhua tur a ni bik lo vang, India ram khawpui mawi tak takah te hian thlawkin han leng ve teh u le!

Shimla khaw vawt leh thengthaw nuam tak mai te hi han chuan ve ula, Himachal nula tuai nalh tak takte n>na lengzain, 3 Idiots film-a Chatura zunnaah ngei mai hian han zung ve chhin teh u! Tin, August thlaah khian Air Deccan-in Aizawl ka phur thleng dawn bawk che u a, Aizawl nula hmelṭha zet maite nen khian Mizoram tlang thawveng mawi em em maite khi han chuan ve teh u. Chutah chuan cham hlen in duh ngei ang, mahse chutah ringawt chuan India a la famkim hleinem. Bangalore leh Chennai lamah, India chhim lam nula hang ngaihno bei leh nunnem em em maite chu in hmuh loh chuan India ropuina in hre fiah tak tak lo vang.

Jammu leh Srinagar lama palian hmuihmul sei deuh deuh, kawrfual haa leng hnulh hnulh ṭhinte khi kan Muslim unaute an nih khi! Chuta ṭang chuan Delhi khawpui in rawn ṭum leh ang a, kartawp (weekend) hman nan chuan kan khawthlang khawpui Mumbai hi a nuam ber ang chu,” a ti a ni ber awm e! India rama khawpui sawmli (40) he Udan scheme hian a huam dawn a. Kan Aizawl khawpui pawh a tel ve va va e.

Fak tur nge sawisel tur ka hrethiam tawh lo, kan pu Modi a zet zawng a ropuiin a rapthlak a ni ber mai. Delhi leh Shimla inkar darkar khat zet thlawk chu Rs. 2000/- erh awrhin a thlawh theih ta. Sumo fare aiin a tlawm zawmah awm a sin!

Udan scheme hnuaia thlawhna thlawk hmasa ber Shimla aṭanga Delhi pan tur chu ni 27, April 2017 khan Shimla Airport aṭangin a thawn chhuak leh ta hmiah mai. He Udan scheme hnuaiaah hian mirethei te te, vawthlep buna duti nena leng hnek hnek ṭhinte chu thlawhtheihna hmangin an zin ve thei tawh dawn a ni. Taxi pawh beisei ngam meuh lo, bus fare tur an kawngchilh

aṭang pawisa nawite te fawm khawm niap niap ṭhin, silipar manto pawh bun phak lo, vawthlep lengd>r (Hawai chappal) buna leng hnek hnek ṭhin te, boruak lawng (Hawai Jahaz)a an han chuang ve ṭhin tawh tur chu a ropui dawn mang e.

Air India Subsidiary Alliance Air-in he scheme hi a vil ang a, Alliance Air, Spice Jet, Turbo Megha Airways, Air Deccan leh Air Odisha te chu he scheme hnuaia thlawhtheihna service tir tura thlan an ni.

Engpawh ni se la, miretheite a ngaihsakna leh ram hmasawnna a veina, a hnathawh ropui takte av^ng hian kan Prime Minister hian fak a phu ngawt mai. Rei pawh a la ni lo, ram a hruai

aṭangin India ramin thil thar a hmu mawlh mawlh mai. A bul lama kan sawi lan zuai, Swahch Bharat te hi thil namai a ni lo. A takin a thawk nghal a, a sawrkar hnuaiah India ram a fai vawk vawk mai. Kan kawtlai bawlhhlawh mai a ni lo, India ram sawrkara bawlhhlawh chu a tl>ng fai duak duak a ni ber.

Bheti Bachai Beti Padhao, “Fanu chhanhim la, fanu zirtir rawh,” tihte hi mihring nun khawih thil ropui em em a ni. Vaihoin an Dori system vang vekin hmeichhe fa an rawt fo mai. A ṭhen chu chh<la an awm laia thah an ni a, a ṭhente chu khawvel eng an hmuh hnua nuai bo an ni a, a ṭhente chu anmahni ngeiin an intihlum fo ṭhin. Fanu zirtir chu thil awmze nei lo ang hiala ngai an awm ṭeuh mai. Chuti ang thil ṭha lo chu tihbo a nih theih n^n, “I fanu chhanhim la, i fanu lehkha zirtir rawh”, tihte hi mutmawh hnarmawhah a nei a, a vei em em a ni.

India ram d^n ṭha lo, a lalte lal >m >mna leh, a hnuaihnunga te beh tlawk tlawkna d^n a tib^ng mek hi a ni ropui ka tih lai ber chu. Kalkawng lehzela intluk tl^nlohna awm ṭhin te, Lal Batti nena tlan rik ruai ruaite hi ṭha a ti lo, ropui a tihzawng a ni ve tlat lo. Hruaitu thar lo awm mekte pawhin, hruaitu berin zir ta chu, thil ṭha an intihhmuh mek zel e.

Punjab CM thar te, UP CM tharte leh Delhi star Kejriwal teho hian ‘lal’ hi engahmah an ti lo, mipuite tana thil ṭha tih chu an chaw tui ber a ni ringawt. Mipuiin mipui t^na sawrkar an siam ṭhinna ram ‘democracy’ ram chu heti tur reng hi a ni dawn lawm ni, i lo thlir ang!

- Rev. Jh. Za Hluna