National Politics leh Mizoram Politics

Mizoram hi India ram chhunga cheng kan ni a, keini tluka national politics ngaih­ven lo state hi a awm pawh an awm kher lo vang. India mi ni chung hian he lai kilah hian kan inbawl hrang a, min chawmtu lam hi chu kan ngaisang lem lova, keimahni hian kan tlei tawk lek a ni.

Mizoramin Indian politics kan ngaihven loh chhan chu Central-ah tu pawh sorkar se kan dinhmun a ngai reng a nih vang hi a nih ka ring. Mizorama Congress an sorkar laia Central-a Congress bawk an sorkar lai leh Mizorama Congress an sorkar laia Central-a BJP kaihhruai an sorkar pawhin kan sum hmuh leh kan duhsakna dawn hi chu a ngai reng mai niin keini mi mawl hi chuan kan lo thlir.

MNF sorkar lai leh NDA an sorkar lai pawh khan chuti tho chu a ni a, helama MNF an sorkara khu lama Congress an sorkar pawh khan min hrek kan hre lova, min hmuh hran em em pawh a lang lova Central politics leh Mi­zoram politics hi a in­zawm lo ni berin a lang.

Ka ngaihtuah zui dan hi chu tlemin a dang ta deuh va. MP pakhat lek nei state kan nih vang mai hian Mizoram hian Central sorkar hi kan hre phak lova, Central sorkar phei chuan min hre phak lo lehzual a ni ta berin ka hria.

Mizote hi kan la tlem si a, chuvangin Central politics/ Na­tio­nal politics leh Mizo­ram politics hi chu kan la zawm ve thiam dawn lo a ni.

- Lalramchuana