Pakhat

India ram pûm huapin Lockdown (in kharkhipna) chu ni March ni 24 zanlai dar 12:00 aṭangin hman ṭan a ni ta a. Nitin mamawh leh ṭulte lam turin i kal chhuah a ngai a nih chuan heng a hnuaia 'pakhat’ hi lo zawm hram ang che: 

Mi Pakhat: Chhungkua aṭanga pawn chhuak tur bik puitling pakhat nei la, midangte chu pawna chhuah ve loh tur. 

Kawr Pakhat: Pawna chhuak chuan inthuamna kawr pakhat chauh hak ṭhin tur a ni. Taksa lang tam lo tur kawrte inbelin, a thuamhnaw pawh midang ta nen dah fin loh tur a ni. 

Pawisa Bawm Pakhat : Pawisa bawm (wallet) pakhat chauh hman tur a ni. Pawisa (lehkha leh thir nawi) leh ATM card dahna a nei hrang ngêi tur a ni a, in a pawisa awmsa te nen dah pawlh loh tur. 

Bazar Bag Pakhat: Kan thil lei khungna (bazar bag) chu a hranga dahin pakhat châuh hman tur a ni. 

Lirthei Pakhat: Lirthei (motor) leh chahbi pakhat châuh kan hman ṭhin tur a ni. Vantlang phur chi lirthei tlem thei ang bêr hmang ang che. 

Engkîm Vawi Khatah: Pâwn chhuah tlem theih zawk nan, i tih tur âng âng te chu vawi khatah tih zawh theih hram tum ṭhin ang che. 

Pawn i chhuahin mobile phone ken loh emaw hman lo emaw tum hram ang che. 

Mipui tamna hmun­ah awm lo la, i tih tur ṭul i tih zawh velah haw leh nghal thuâi ang che. 

I ban emaw, i kiu emaw hmangin kawng­­khar ban te chu hawng hnem ṭhin ang che. 

I Haw Hunah : I kawr hak, pawisa bawm, chabi leh thil dangte chu bag-ah khung hrang nghal ang che. In chhung thil eng pawh i khawih hmain, i kut leh hmai te chu fâi takin sil la, mobile phone kha fâi takin alcohol base (sanitizer) hmangin hru ṭhin bawk ang che. 

Hei hi hria la, pawna chhuah hi kan ‘pumpelh’ thei lo a nih pawhin, kan ‘titlem’ thei a ni.