MIZO vs REMARKS

Mizo ṭhenkhat lehkhaziah leh Radio/ TV a titi na (discussion) te ka ko chhiar/ en changin ngaihdan (remarks) kan in pek te hi a dik ber ni theiin ka hre lo.

Mizote chu - kan fimkhur lo/ tei rei kan peih lo/ kan ngaih a sam/ kan thatchhia/ hreawm tawrh kan peih lo/ kan uluk lo/ bum kan awl/ kan duhtui lo etc etc etc an han ti thla leh ringawt ṭhin.

Mizo zawng zawng hi an sawi ang kan ni vek kher lo. Mizo zingah fimkhur/ tei rei peih/ taima/ uluk/ etc etc tam tak an awm. Thanpuii Pa in ‘KAN MIZIA’ a ziah, college ka kal ve laia Lushai vernicular subject a text a kan hman ami ngat phei kha chu (with due respect to Thanpuii Pa) thil nithei leh tih chi-ah ka ngai lo. Hnamdangten han chhiar ngat se chuan Mizote hi min ngaisang lo viau ang a, hnaih pawh min hnaih duh lovin min ring lo viau ang.

Hnam dangte lo chhiar atan phei chuan ka duh miah lo. Mizote mizia a chhe thei ang ber leh dawt phuahchawp tela a ziah ni berin ka hria. A ziah ang chiah hi a ziaktu mizia ziahnaah bel ta ila a duh bik ka ring lo. Chutiang bawkin mi dangte pawh a ziah ang chiah kha in ni, mi han ti se chuan kan duh ka ring lo. Criminal case a la duh te tan phei chuan Section 500 of Indian Penal Code a defamemation (intih hming chhiatna) case in awrh tir na tling daih thei a ni.

A chunga ka sawi khi mi pakhatin ka beng hriatah han chhiar thuak se, a text chhiar leh ta miah lo mah i la university question-a a rawn chhuah chuan pass mark chu hmuh a awl viau ang. A chhan chu Mizote mizia atan thil ṭha lo zawng zawng kan bel mai ang.

- Lala Khobung Luangmual Vengthlang, Aizawl