Ram hi tu ta nge?

Bible kan en chuan 'Ram chu Lalpa ta a ni' tih kan hmu a, hei hi Pathuan thu zir mi ni lem lo hian kan duh dan dan hian kan hrilhfiah a, tun thleng hian kei hi chuan a awmzia tak tak hi ka zuk man ve lo tih hi ka zep love.

A nih chuan ram hi Lalpa ta tih lamah hian Bible hi hnial buai duh ta lem lo ila, chu ram kan enkawl dan vel en hi chuan kan ram pawh ni lo, tute emaw rama ka cheng hawh ve zawk, tihchhiat pawh pawi lo, chu ram hmasawnna tur chu mahni tana lakluh vek pawh pawi lo, ram hmasawnna tura sum awmte pawh a thawktu ṭha ngaihsak lova hmelhriat leh chhungte pawh thawh tir hreh lo kan nih si avang hian sawi vak tur pawh ka nei ve love.

Chu ram enkawltu chuan a han dim lo em em mai a, pawn lam aṭanga pawisa lo kal (central aṭanga budget pawisa) chu a hmanna tura an tihah chuan ram enkawltu chuan hmang lovin a duh dan danin a ziaka awm dan ni lovin a hmang kual vel mai mai a, ram tana ṭha tur pawh ngaihtuah lovin a thle vel mai mai a. Chu ram chhungah chuan induhsakna uchuak tak lantir chungin ro a rel bawk a, ram hi a dim lo a ni.

Chu ram chhungah chuan 'ram' a la awm leh a, kawngpui zauhna tur compensation lo kal te chu a taka ram neitu lam ni lovin kawngpuiin a paltlang dawn tih hriat hnua ram leitu lam chuan an pumbilh ang ṭawk ṭawk a, hetiang thil thlen tur tur hian Revenue Department leh DC Office lamah hmelhriat neih ṭhat a pawimawh hle niin an han sawi zel bawk a.

Tuna Kolasib District chhunga kawngpui lo lut tur ah pawh hian kawngpui kal na tur hre thei deuh sorkar office lama thawk te, an pu ruling lama mite chuan 'Teh Puam' an tih mai hmanga hau sak thut tum in an hum leh fur tawh an tih avangin ram hi Lalpa ta angah ngai lovin kan thlir niin ka hria.

- Zodingliana