Sorkar-in sum a neih loh vanga thingtlang mite min run hi na kan ti

Tunhnaia Chhim­phei tlângdung, Hualngohmun dâia MVI lamin lirthei an check danah Chhimphei lama chêngte dinhmun leh harsatna hriatthiam puina awm lo taka hmalâkna awmin ka hmu a. Sorkarin mipuite dinhmun dik tak hre chunga hma la tûrin ka han ngên hmasa duh a ni.

Chhimphei tlâng­dunga kawngpui tan tlang khaw hrang hrangte lirthei veivâk ṭhinte chu tunlai hian MVI lamin lo check ṭhin a. An document felfâi tâwk lo te, 'high security number plate' avângte a man ṭhin kan ni.

Thingtlâng aṭanga 'high security number plate' pawh phak ang tawka buaipuiin, a buaipuitu lam inpeih pawh nghâk hman lo a, a lirthei neituin a ṭûla kan lo hman lailâwk ṭum a awm fo. Lirthei documents pawh felfâi taka kawl tûrin kan buaipui ṭhin.

A khawihtute indaih tâwk loh avang tea a hun taka min pêk chhuah hman loh ?um pawh a awm ve bawk ?hin a ni. Sorkar dân hi kan zâwm tur a ni a, hetih rual hian kan khawpui ber Aizawlah motor dahna garrage mumal nei lo reng chunga vawiin thlenga lirthei register la pung reng te, dân leh hrai sorkarin a zam ang zâwm zik­tlûak si loa kan lirthei sâng têl an chêt laia keini thingtlânga hnathawh nana kan lirthei, neih thinglung khâwnga kan neih ve te engemaw fel fâi tâwk lo awm avanga te a min check a, min man mai ṭhin te hi a pawi kan ti a ni.

Kuthnathawk-tute'n an thlai thar khawpui lamah hralh turin Maxicab-ah te an rawn hlang a, hemi vang hian Maxicab-a phurtute over load tia chhuanlam siamin an man fo bawk a ni. Hemi avanga hnathawh nâna kan lirthei kawl chhun ang pawh chelek ṭha ngam loa kan awm ta mêk leh in hriatthiamna awm miah loa kan sorkar lam mite an che mêk hi pawi ka ti hle a ni.

Kan khawpui ber Aizawlah pawh mumal taka in ching fel hlei thei si lo hian thingtlâng zawkte lakah fîr taka chet an lâk mek hi chhun­zawm tawh lo turin Chhimphei tlângdung aiawhin kan sorkar thuneitu ka ngên a ni.

- RB Lalmal-sâwma, Phûlpui