THINGTLANG LAM UNAUTE AU AW

Eng tin nge kan tih ang?: Kan mi leh sate inter state aṭangin kan la khawm ruih ruih a, district capital-ah quarantine vek an ni. Quarantine centre aṭanga an chhuah hunah engtin nge kan in hawpui ang tiin an ngaihtuah mek a. 

VLTF te sum hmuhna hi mi inphalte thawhlawm aṭang mai a ni si a, inkharkhip chhung a rei tawh si a, motor hire-na tur pawisa pawh an tan chuan lungngaihna khawp a ni ta. 

Mi khua an him chuan him ve an duh: Khawpui chhung lamin ni 14 chhung quaratine hi an duh khawp lo a, quarantine centre-a awmte quarantine nawn ve vek an duh si a, quaratine nawnna tur hi an tan chuan bengsik tak meuh meuha ngaituah ngai a ni. 

Veng lian leh khawpui chhung tana thil tih mai theih hi an tan chuan lungngaihpui tham a tling e. Kan him tlanna atan theih tawp chhuahpui theih dan awm se. 

Kan ti ta sa sa: Bialtu MLA te leh Incident Commander te’n an harsatna hi sut kianpui dan kan hre mial lo’m ni! 

Harsatna inṭawm tawn hnam kan ni a, thingtlang lam unaute’n khawpui mite an thlai thar min hleh hial an hreh loh kha hre reng i la, tun hi kan thawn let hun remchangah hmang ve ang u.