ENGNGE KAN VÊN TAK BER?

Fimkhur lai be rhri kai pakhat

2020 March thla chawhnu lam a ni a, Home Quarantine pakhatin a kai a, tumah a kai darh lo chungin kan phusa hle. Hlauhnain min man a, phai lam aṭanga lo haw an awm lova, kaina tur pawh zawng ila, kan hmuh mang loh lai khan dawr kan khar ṭhup a, pawn chhuak kan awm lova, tlangau chu kan rinrâwl a ni. Sorkar pawhin Total Lockdown a puang bawk a. 

Hrikai 23 ahfimkhur vak leh si lo

June thla tir teah chuan positive mi 23 kan neih belh lawih mai a, in lama khung hran 8000 chuang an awm bawk a, an hmuh chhuah belh aṭangin zan tin hmuh belh a ni ta zel bawk a, kan haw belh zel a, kan la awm belh zel pawh a rinawm a, khawtlanga inkai darh hun hi thleng maithei pawh kan ni ve ta. 

Kan in hrek chhan kha?

Pakhat lek kai kan awm laia Total Lockdown duh khawpa hlaute khan hri kai 23 kan awm a, kan hmuh chhuah belh zel hnu-ah kan zalenna chu tih danglam ngai lem loin an hmu ta tlat a. Section YMA thlenga au peih leh strict tak takte khan an hlau ta bik lo emaw tih mai tur a ni zo ta. 

Hri kai pakhat aiin hri kai 23 awm mekah chuan tlangau thawm a dai a, fimkhurna thuchah kan hre khat a, dawr kan hawng a, bus leh taxi a tlan vut vut lawi a. Office kan kai reng a, dik takin fimkhur kawngah chuan hri kai pakhat kan neih lai kha ngaihawm tak a ni. Doctor te fimkhurzia leh chhungkuaa hlauh avanga an in ven nasatzia ka hmuh hian 'Kan lo la hre lo em a ni' tih awl tak a ni. 

Hlauhlawpa economy lam ngaihtuah lova ṭhenkhat tan hrehawm taka kan in hrek beh chhan kha hri kai pakhat chauh neih lai a nih chuan tun ang hunah hi chuan a hma aia thehmeh ang mai zawk tur ni awm tak! 

Economykan veng em ni ang?

Sorkar laipui hi chuan duh hle mahse economy a ven a ngai. Chuti chung pawh chuan March 2021 thleng central sorkar anga hmalakna ang chi zawng zawng deuh thaw a titawp vek tho. Hei hian kan hma hun a tarlang. 

Economy nge hri hi kan state-ah bûk ve ila, lockdown leh down loh hian vbc. 3000 vel paih dawrh dawrhna tur kan nei ve hauh lo. Min châwmtu central aṭanga kan hmuh tur leh hmuh loh tur hi eng ang pawhin in khuahkhirhin thlahzal ila a ngai reng tho ang. 

Economy chhe sa berin hri leng aia economy kan bûk rit zawk a, chumi venga kan in thlah zal zel a nih chuan hri zawk hian Mizo mipui chauh ni loin kan economy nen min man kawp tho tho ang. Hri leh economy-ah hian dinhmun chhe taka hnuh luh theih zawk kan ni.