Lockdown leh police indaih lohna kha

Hmanni deuha Marinawma rawn ziah Police officer ṭhenkhatin lockdown lai pawhin an in sa tur leh an mimal hna thawk turin Police ṭhenkhat an chhawr tih kha a takin hmu ve lo mah ila thil awm dan hriat ang ang ka rawn contri ve teh ang. 

Police officer te hian ardali chhawr theihna dan hi an nei sa thlap a, chumi bawhchhe lo chuan an chhawr thei tih hi sawi hmasak a ngai phawt a ni.

A pahnihna atan chuan Police duty tur hi an indaih lo tak tak a nih chuan dan ang thlapa ardali chhawr te pawh hi han ko kir deuh sap sap se mipuite pawhin kan Police officer rualte hi kan va han ngaisang nasa dawn em ve le! 

A pathumna atan chuan Home Minister hmasa Pu R Lalzirliana khan dan lova (dan anga chhawr theih chu a awm tho tih kan ziah khi) mimal thila Police officer in police an chhawr vak vak tih tawp a tum thu a sawi kha a ti tawp ta lo em ni? tih hi ka zawhna neih a ni phawt a. 

Home Minister thar hian kha kha chhun­zawm a tum em? or Chhun­zawm turin a titawp ta hrim hrim em le? tih hi mimal (layman) zawhna angin ka rawn zawt bawk e.