ASYMPTOMATIC CHUNGCHANG MAWLH HI!

WHO-in official-a an sawi chhuah dan Jeff Craven leh Katie Lennon thu ziahah COVID-19 hri natna lang chhuak lo (asymptom­atic) in mi danga an kaichhawn theihna a sang lo (rare) tih a ni a. Rare tih WHO hman dan hi sawi fiah a har viau mai. Rare chu ngaihmawh tham loh (not so much of interest or value), tam lo (not occurring often) te pawh a tihtheih ang a.

Chutihrual chuan, ngaihven tlak (remarkable, worthy of attention) pawh a tihtheih tho awm e. Scripps Research Translational Institute, La Jolla, California Jupiter, Florida, US-a mi pahnih, Daniel P. Oran leh Eric J. Topol te'n Annals of Internal Medicine a an zirbingna an chhuah sawi­fiahna denchhena Maria Van Kerkhove, Ph.D, WHO's COVID-19 technical lead leh infectious disease epidemiologist pawhin June ni 8, 2020 a WHO General Headquarter, Geneva aṭanga news briefing a nei phah hialna niin; 'data kan neih aṭang chuan hri natna lang chhuak lovin - asymptomatic - mi dang a kai­chhawn theihna hi a sang lo' tiin lo sawi tawh mah se, Scripps Research Translational Institute-a an zirna chuan, acute respiratory syndrome coronavirus 2 (SARS-CoV-2) hri veite hi 40%-45% ah hri natna lang chhuak lo an nih avang­in, kan lo suangtuah piah lamah he virus hi ngawi renga darh thei a nihna an sawi lawi si.

 Dr. Van Kerkhove-i chuan, He hri lang chhuak lova mi dang kaichhawn theih a nihna chu zir­chian harsa tak ni mah se, kan hriat theih innghahna rintlak report aṭang chuan asymptom­atic ni si, hri kai bawk siin mi dang a kai­chhawn theihna chu hri natna lang chhuak (Symptoms nei) aiin a tlem daih a ni, a ti a (Comprehensive stu­dies on transmission from asymptomatic individuals are difficult to conduct, but the available evidence from contact tracing reported by Member States suggests that asymptomatically-infected individuals are much less likely to transmit the virus than those who develop symptoms).

 WHO aṭanga thusawi chhuah hi Public Health lam aṭangin an tisual ve a ni ang, thu dik lo pek an nih vang a ni ang tia tihdiksak tumna na tak a awm takah chuan, Dr. Van Kerkhove-i chuan sawi fiahna a nei leh a, he hri natna lang chhuak loin mi dang an kai darh theih dan zirchianna a awm loh thu leh tunah chuan natna lang chhuak (symptomatic) aṭang chauha inkai­darh hriat a nih thu, a sawi a. Natna lang chhuak miah lo (asymptomatic) anga ngaih, mahse natna na lo tak ni si an awm a, COVID-19 hri natna la lang chhuak lem lo (pre-symptomatic) a hnua lang leh ta si an awm bawk avanga contact tracing ram ṭhenkhatin an tihnaah inkaichhawn a awm lohnate pawh a awm thu sawi chhuakin, 'It's very rare'  a ti a ni. COVID-19 hri natna lang chhuak (symptomatic) chuan mi dang an kai darh thei a ni tih chu zirnain a tichiang tawh a, ram hrang hranga an tawn mek  hrechiang turin zirbingnain asymptomatic emaw pre-symptomatic-in a kai darh chak theih dan erawh mumal takin a la awm lo a ni.

 WHO-in thu chiang lo sawi chhuaka mipuia buaina a thlen avangin, Harvard Global Health Institute chuan, he hri natna lang chhuak (symptomatic) chuan SARS-CoV-2, CO­VID-19 virus hi an inkai­darh thei ngei a nih thu a sawi bakah chhui zawn theihin he hri natna lang chhuak lem lo pawhin an inkaidarh thei mai pawh ni lovin, pre-symptomatic hun laiin mi hrisel pangngai ang mai an nih avanga kai darh chak thei tak an nih thu an sawi chhuak nghe nghe a ni.

Scripps Research Translational Institute-a an zirbingna hi a hrut zau em em a, an zirna chuan COVID­-19 hri natna lang chhuak si lova (asymptom­atic) test an tih atanga he hri pai chu 30% to 80% vel a ni a. Chutiang chu kan dinhmun ṭheuh a nih theih avang­in symptomatic chauh ni lovin asymptomatic-in hriat (detect) mai si lovin SARS-CoV-2, COVID-19 virus hi nasa takin an tidarh thei a ni tih a tichiang mai awm e. 

Dr. Seth Trueger, MD, emergency physician leh emergency medicine-a Assistant Professor, Northwestern University, Chicago a mi pawhin, 'A tir aṭang tawh khan asymptomatic leh pre-symptomatic inkaidarh chu a awm ngei alawm' tiin a sawi a. Tuna kan hriat theih chin hi chu khawi lai emaw zirna leh report entirna (sample) chauh a la ni a, eng nge a nihna tak hriat theih tura tinzawn tur aiawh (representative) kan la nei thei lo chu a ni ber mai. Chu bakah chuan kan test kalhmang leh test dan pawh hi duhthu a la sam lova, tin, khawi hi nge hri kai (infected) hriatna RNA chu tih leh khawi hi nge RNA fragments (RNA pangngai) kan test ti-positive-tu tak chu tih a tak ramah hriat hran a har fo avangin, kan hnar leh ka inzawmna (nasopharyngeal) atanga swabs lak hmanga Reverse Transcriptase Polymerase Chain Reaction hmanga kan ti thei a nih chuan, chu chuan kan test dan kawng­ah pawh result ṭha lehzual leh chiang zawk min hriattir theih ngei a beisei thu a sawi bawk a ni.

RT-PCR chu kan hriat tawh angin RNA aṭanga genes lak hran, a genetic sequence leh SARS-CoV-2 a inan leh an loh en na, a inan chuan COVID-19 po­sitive anga pawm theih tura hriattirtu a ni a. Reverse Transrciptase-PCR chu RNA ziarang (template) aṭanga DNA rawn insiam, RNA hriat duh tak test in COVID-19 positive a nih thu a tarlan nemnghettu (complimentary) cDNA a nih leh nih loh hriatna a ni ve thung a ni. Dr. Trueger-a chuan, "Kan beisei leh rin dan aia asymptomatic avanga inkaidarhna a san zawk phei chuan ngunhnam a tawn tawna hriam ang hri kan do mek a ni thei ang," a ti bawk. 

Milan Sharma zirbingna chuan, "Indian-ah chuan asymptomatic case kan neihte hi 80% anga ngaih a ni a, asymptomatic (emaw pre-symptoma­tic) a hri veite hi ngawi renga he hri leng thehdarhtu/kaidarhtu (Silent Spreader) an ni thei reng a ni," a ti. 20% te chu symptoms nei an ni a, 15% te chu hospital enkawl ngai niin 5% te chu oxygen leh ventilator te nen a enkawl ngai an ni.

Theodore Roosevelt chuan, "Asymptomatic positive te hian he hri natna hi ni 14 chuang mi dang a kaichhawn theih a rin thu a sawi a. Rin thu mai ni mah se, a thutlukna siamna chu khawvel pum huap thlirin he ti khawpa hun rei lo tea hrileng nasa tak a nihna chuan COVID-19 avanga symptoms nei lote'n mi dang an kaichhawn zelna a ni lo tih chu a findings leh sawifiahna chuan a ṭhelh pawhin a ṭhelh tam a rin loh vang a ni mahna.

 

Heng kan han thai lan tlem te te hian Mizoramah pawh kan dinhmun tur a sawi fiah ve thei mai awm e. Sorkarin Lockdown an puang leh hi a tisual­in a rinawm loh. Chuti chung chuan beng sika thuneitute'n kan hma hun an thlir thiam a pawimawh hlein a hriat a. Thutlukna an siam kawngah pawh ngaihtuahna nasa tak seng chunga hma an lak a pawimawh fo dawn a ni. Mipui hriselna nghawngtu hripui leng mek hi Mizote pawhin kan hmelhriat ṭan chhoh zel a, kan dona kawngah mipui pawh kan ṭhanharh ve zel a pawimawh khawp ang.

COVID-19 dona 

kawng­a a field-a che tak taktu, mahni chang ni lo, mahni nupui fanaute pawh hlauh­awma dah ngai a, CQC te HQ thleng pawha enkawlte, mipui chet vel kawnga sorkar thuchhuak­ bawkzuitute pawh tha tharin ṭan i la leh sauh sauh ang u khai. Ramria venhimna hna thawkte hi kan IDOL in ni a, kan ngaisang che u a, tha thlah lova ṭan lo khawh zel turin kan in-ngen tak meuh meuh bawk a ni. Engkim hi vawi leh khatah a ngaihtuah kim vek theih loh avangin, Sorkar pawhin in mamawhte pawh a ṭul ang azir zelin a ngaihtuah em em ang tih hi a rinawm a ni.