YMA SUKTHLEK LAM

YMA building leh bungraw neih ṭhat hi, YMA ropuina a ni lo a; ṭanpui ngaite ṭanpui tura chet an lakna leh, ram leh hnam tana ke an pen dan azir zela YMA ropuina chu teh tur a ni ang. 

Music video chang­kang leh ṭha tak buatsaih thei Branch ṭhenkhat hi chuan, an sum sen hi tlawmngaihna inzirtirnaa atan hmang zawk se an ṭhatpui zawk a rinawm. 

Central YMA min kaihhruaina lam ngaichang miah lo a, mahni kal kala kal duh Branch hruaitu kan nei mial em? Nget kher vat hi a dam hma zawk a nia.

YMA-a inhman bak hna dang thawh tum lo, in Branch-ah an awm em? Taima taka mahni hna thawh kar a, a ṭul dana mite tana inpekna leh khaw­tlang tana thawh (Tlawmngaihna) awmzia hrilh ṭhintu an mamawh maithei a nia! 

Eng department emaw aṭanga sum sawi chhuak thiam leh, eng emaw ni­khuaa pawisa thawh hreh miah lo mi fel tak takte hi an hlu a. Chu an thil tih chu YMA  hruaitu nihpui tham erawh a tling lo.